२४ माघ २०७९, मंगलवार

Feb 7, 2023

बुटवल । कोभिड-१९ ले शिक्षा क्षेत्रमा समस्याहरु सिर्जना गरेको मात्र नभई नयाँ अवसर समेतसिर्जना गरेको कुरा कविता मार्फत कविहरुले व्यक्त गरेका छन् । कालिका मानवज्ञान माविको ६० औ वार्षिकोत्सवको अवसरमा आयोजित जिल्ला स्तरीय कविता प्रतियोगितामा सहभागी कवि कवियत्रीहरुले उक्त कुरा बताएका हुन् ।

Advertisement

शेर बहादुर गुरुङ अन्तरमावि जिल्लास्तरीय कविता प्रतियोगितामा सहभागी विद्यार्थीहरुले कोभिडको कारणले लामो समयदेखि विद्यालयहरु बन्द हुँदा पठनपाठन हुन नसकेकोले बालबालिकाहरु शिक्षाको अवसरबाट वन्चित रहेको, विद्यार्थीहरुमा मानसिक र सामाजिक समस्या देखा परेको र स्वास्थ्य जोखिम समेत बढेको पिडा कविता मार्फत पोखेका थिए । सहभागी विद्यार्थीहरुले कोभिडको कारणले शिक्षा क्षेत्रमा वैकल्पिक विधिको प्रयोग हुन सकेको, अनलाइन विधिबाट पढाईलाई अघि बढाउन सकिने सम्भावनाको ढोका खोलेको र विद्यार्थीहरुलाई आफ्नो समाज अझं सहयोग गरेको समेत बताए । कोभिड र शिक्षा विषयक कविता प्रतियोगितामा सहभागी कविहरुले कविता मार्फत कोरोनाबाट बच्न गर्नुपर्ने कार्यको वारेमा संदेश समेत दिएका थिए ।

रुपन्देहीका विभिन्न १३ वटा विद्यालयका विद्यार्थीहरु सहभागी रहेको कविता गोष्ठीमा क्यानन आवसीय माविका प्रिया श्रेष्ठ, सगरमाथा बोर्डिंग स्कूलकी छात्रा बन्दना भट्टराई र केरवानी माविका राहुल सापकोटा क्रमश प्रथम, द्वितीय र तृतीय भएका छन् । कविता प्रतियोगितामा विजयी विद्यार्थीहरुलाई नगद पुरस्कार र प्रमाणपत्र प्रदान गरिएको थियो ।

कालिका मानवज्ञान माविको वार्षिकोत्सवमा आयोजित खेलकूद सप्ताह पनि सोमबार नै सम्पन्न भएको छ । विगतका वर्षहरुमा विद्यालयले खेलकूदका विभिन्न इभेन्ट्स समेटेर नगरस्तरीय कालिका रनिंग शिल्डको आयोजना गरेपनि कोरोनाको संक्रमणलाइ ध्यानमा राख्दै यो वर्ष आन्तरिक रुपमा मात्र खेलकूद प्रतियोगिताहरु गराईएको थियो । विभिन्न प्रतियोगिताहरुमा विजयी विद्यार्थी खेलाडीहरु तथा विभिन्न परिक्षामा उत्कृष्ट नतिजा हासिल गर्ने विद्यार्थीहरुलाई सोमबार आयोजित कविता गोष्ठी तथा पुरस्कार वितरण समारोहमा पुरस्कृत गरिएको छ ।

विद्यालयको ६० औ वार्षिकोत्सव मूल समारोह पुष ७ गते हुने र उक्त कार्यक्रममा विभिन्न ४७ वटा अक्षयकोषबाट १०० जना विद्यार्थीहरुलाई छात्रवृति वितरण, वर्ष शिक्षक तथा दिर्घसेवी शिक्षक सम्मान गरिने विद्यालयका प्रधानाध्यापक विष्णुहरि ज्ञवालीले बताए । वार्षिकोत्सव मूल समारोहमा शिक्षा पत्रकारीता सुरस्कार समेत प्रदान गरिने छ । विद्यालयले स्थापना गरेको कालिका स्वर्ण महोत्सव शिक्षा पत्रकारिता पुरस्कार यो वर्ष बुटवल एफएममा कार्यरत पत्रकार झविन्द्र देवकोटा र नागरिक दैनिकका पत्रकार विनोद परियारलाई प्रदान गरिने भएको छ । वर्षभरी सामुदायिक शिक्षामा कलम चलाउने पत्रकारहरुलाई उक्त पुरस्कार दिने गरिएको प्रधानाध्यापक ज्ञवालीले बताए ।

कालिका मानवज्ञान माविको ६० औँ वार्षिकोत्सवको अवसर पारेर कालिका मानवज्ञान भूतपूर्व विद्यार्थी समाजले वृहत रक्तदान कार्यक्रम सम्पन्न गरेको छ । रामनगरमा आयोजित रक्तदान कार्यक्रममा ३६ पिन्ट रगत संकलन भएको छ । ब्लड बैंक बुटवलको प्राविधिक सहयोगमा भएको उक्त कार्यक्रममा भूपू विद्यार्थी, शिक्षक र अभिभावकहरुले रक्तदान र प्लाज्मादान गरेका थिए । रक्तदान कार्यक्रमले रगतको अभाव पुरा गर्न मद्दत गर्ने र पुर्व विद्यार्थीहरुलाई पुनर्मिलन गर्ने अवसर प्रदान गरेको रक्तदान कार्यक्रमका संयोजक बुद्धिराम चौधरीले बताए ।

प्रतिकृया दिनुहोस्

Flash News

चिकित्सक संघको अध्यक्षमा डा. अनिलबिक्रम कार्की निर्वाचित लुम्बिनीमा मोरारी वापूको कथा वाचन विवाद साम्य, चार बुँदे सहमतीसँगै वाचन शुरु अभिनेत्री निता ढुंगानाले सार्वजनिक गरिन् आफ्नो चलचित्रमा काम गर्ने भारतीय कलाकारको यस्ता तस्बिर बुटवल उपमहानगरस्तरीय चौथो राष्ट्रपति रनिङ्ग शिल्ड प्रतियोगिताका लागि संयोजक र उप-समितिहरु गठन पूर्वसांसद कर्मा घलेको निधन ज्ञानगँगामा १६ वर्ष मुनिका अन्तर विद्यालय छात्र ब्याटमिन्टन मृत्युको आयु ! मणिमुकुन्द रनिङशिल्ड भलिबल : उद्घाटन खेलमा पर्वत र नवलपुर विजयी गार्गी एकेडेमीमा खेलकूद सप्ताह सुरू भारतलाई हराउँदै नेपाल साफ यू-२० महिला च्याम्पियनसिपको फाइनलमा चुणामणि शर्माविरुद्ध ११ अर्ब हिनामिनाको मुद्दामा साक्षी झिकाउन आदेश शेरबहादुर देउवालाई विपक्षी दलको सुविधा नदिन माग गर्दै सर्वाेच्चमा रिट सेयर बजार ७६.६४ अंकले बढ्याे बिदा घटाउने तयारीमा सरकार तिलोत्तमा २ स्थित शंकरनगर दुर्गादत्त माविमा विज्ञान प्रदर्शनी टर्की भूकम्पमा परेका घानाका खेलाडी सम्पर्क‍विहीन मुखमा सर्प हालेर ‘स्टन्डवाजी’ गर्ने साँप उद्धारकर्मीको मृत्यु नाबालिका बलात्कार आरोपमा वडाध्यक्ष राजन श्रेष्ठ पुर्पक्षको लागि कारागार चलान टर्की भूकम्प : ३६ घन्टामा १०९ पराकम्प, तीनवटा ७.५ म्याग्निच्युडका काठमाडौंका मुख्य सडकमा बत्ती जडान गर्न महानगर र प्राधिकरणबीच सम्झौता