ताजा अपडेट »

नेकपा तिनाउको नियमित बैठकसँगै दशै शुभकामना आदान-प्रदान

बुधबार, ०५ कार्तिक २०७७, १६ : ३०
4 Shares

तिनाउ । नेकपा तिनाउको नियमित बैठक तथा पर्व विशेष शुभकामना आदान प्रदान कार्यक्रम दोभानमा भएको छ । नेकपा तिनाउ गाउँ कमिटीको संयोजनमा भएको सो कार्यक्रममा बोल्दै केन्द्रीय कमिटी सदस्य एवम् पाल्पा जिल्ला ईन्चार्ज सोमप्रसाद पाण्डेयले नेपालीहरुको महान पर्वहरुलाई मितव्ययी र कोरोनाबाट सुरक्षित रहने तरिकाले मनाउन अनुरोध गरे । पार्टीको गतिशीलतालाई निरन्तरता दिन समेत अनुरोध गर्दै उनले पार्टीका नेता, कार्यकर्ताहरुले पर्वका समयमा तासजुवा र मध्यपान सेवन नगरि असली कम्युनिष्टको चरित्र प्रदर्शन गर्न समेत विशेष अनुरोध गरेका छन् ।

बैठकमा नेकपा केन्द्रीय सदस्य एवम् जिल्ला सहईन्चार्ज वसन्त घर्तिमगरले कम्युनिस्ट पार्टीका नेता तथा कार्यकर्ताहरु पार्टीको सिद्धान्त, नीति र कार्यक्रमप्रति परिचित भई अघि बढ्नु पर्नेमा जोड दिएका छन् । सोही अवसरमा जिल्ला सचिव राजेन्द्रकुमार विकले पार्टीका नेता र कार्यकर्ताहरुले पार्टीको अनुशासनमा रही पार्टीको गरिमालाई माथि उठाउनु पर्नेमा जोड दिए ।

सो अवसरमा प्रदेश कमिटीका सदस्य चक्रव्यूह थापा, गोपाल जीसी, पम्पा थापा, दलबहादुर दर्लामी, गणेश रास्कोटी, भुवनसिह चिदी, दिनेश जीसी, कमल श्रेष्ठले पार्टीको गतिविधि सम्बन्धमा प्रकाश पारेका थिए । असोज १५ देखि २५ गतेसम्म सञ्चालित वडास्तरीय बैठकका सन्दर्भमा नेकपा तिनाउका सचिव दलबहादुर गुरुङले प्रतिवेदन पेस गरेका थिए । साथै कलाकार मीन रानाले दसै विशेष गीत प्रस्तुत गरेका थिए । नेकपा तिनाउका अध्यक्ष राजेश श्रेष्ठको अध्यक्षमा सम्पन्न उक्त बैठक तथा कार्यक्रममा पार्टीका तिनाउ ईन्चार्ज दिलु योञ्जनले स्वागत गरेकी थिइन् ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।