December 3, 2020, Thursday
२०७७ मंसिर १८, बिहीबार

धर्मश्री विजेताहरू

1.2K

रविन्शन शाक्य
तेश्रो धर्म श्री विजेता (२०५०)

रविन्शन शाक्यले २०५० सालमा भएको तेश्रो अन्तरक्लब धर्मश्री शारीरिक सुगठन प्रतियोगिता उपाधि चुम्न सफल भएका थिए । उनका बारेमा थप जानकारी लिन क्रममा धेरै अग्रजहरु तथा उनका समकक्षीहरुसँग बुज्दा हाल उनी नेपाल बाहिर रहेका र लामो समय कसैसँग सम्पर्क नभएकाले थप जानकारी उल्लेख गर्न सकिएन ।

रविन्शन शाक्य

सागर ताम्राकार
चौथो धर्मश्री बिजेता (२०५३)

सागर ताम्राकारको जन्म वि.सं. २०३० सालमा ललितपुर मंगलबजारमा भएको थियो । उनका दाजु सुरेस ताम्राकारले ललितपुरमा Nine Point Health Club सञ्चालन गर्थे । दाजुले सागरलाई त्यहि जिममा शुरुमा हिसाब किताब राख्न लगाए । जिममा काम गर्ने दौरानमा क्रमशः सगरलाई व्यायाम गर्ने रहर पलायो । पछि उनी गोल्ड्स जिम ललितपुर तिर लागे ।

सागरले ५२ सालमा आफ्नो पहिलो प्रतियोगिता लियो क्लब अफ भक्तपुरको आयोजनामा भएको Mr. Valley शारीरिक सुगठन प्रतियोगितामा ७० केजी तौल समुहबाट प्रथम हुँदै ओभर अल च्याम्पियनको उपाधि हात पारे । त्यहि सालको भाद्र ३ गते गोल्ड्स जिम काठमाडौंले आयोजना गरेको आन्तरिक प्रथम शारीरिक सुगठन प्रतियोगिता ७० केजीमा प्रथम हुँदै उपाधि पनि सागरले उचाले । सोहि सालमा नै नेपाल शारीरिक सुगठन संघको अयोजनामा भएको पहिलो मिस्टर हिमालय प्रतियोगितामा उनी ७५ केजी तौल समूहमा तेस्रो हुन सफल भए ।

२०५३ सालमा भएको चौथो धर्मश्री अन्तरक्लब धर्मश्री शारीरिक सुगठन प्रतियोगितामा ७५ केजी तौल समूहमा उनले प्रथम स्थान प्राफत गर्दै उपाधि चुम्न सफल भएका थिए । उनलाई उपाधिसंगै १५ हजार नगद पुरस्कार दिने घोषणा गरियो । तर उक्त पुरस्कार रकमपछि उनले दुई किस्तामा गरेर बुझेको सागर बताउँछन् । २०५३ सालमा खेलकुद सरोकार केन्द्रको आयोजनामा बनेपा काभ्रेमा भएको मिस्टर सगरमाथा शारीरिक सुगठन प्रतियोगितामा आफ्नो वजन समूहमा ७५ केजीमा प्रथम भएका उनी बताउँछन् ।

वि.सं. २०५४ सालमा काठमाडौं जिल्ला खेलकुद विकास समितीको आयोजनामा भएको काठमाण्डौ फ्रेण्डशिप खुल्ला शारीरिक सुगठन प्रतियोगितामा उनी ७० केजीमा दोश्रो हुन सफल भए । २०५५ बैशाख २२ गते बानेश्वर जिमको आयोजनामा भएको काठमाडौं कप शारीरिक सुगठन प्रतियोगितामा ७० केजी तौल समूहमा सागर स्वर्ण पदक प्राप्त गरे । २०५५ साल तिर नेपाल व्यायामका अध्यक्ष नारायण प्रधानको निमन्त्रणा स्विकार गर्दै उनी नेपाल व्यायाम मन्दिरको सदस्य बने । वि.सं. २०५६ सालमा भएको छैठौं धर्मश्री राष्ट्रिय शारीरिक सुगठन प्रतियोगितामा ७० केजी तौल समूहबाट उनि बिजेता बन्न सफल भए । त्यहि सालमा भारतको नासिकमा भएको प्रथम दक्षिण एसियाली शारीरिक सुगठन प्रतियोगिता उनी आफ्नो बजन समूहमा चौथों भए ।

२०५७ सालमा नेपालमा भएको दोस्रो दक्षिण एसियाली शारीरिक सुगठन प्रतियोगितामा सागरले आफ्नो लाइट बेट समुहमा रजत पदक हात पारे । २०५९ सालमा भएको नवौं धर्मश्री प्रतियोगितामा उनी ७५ केजी बहुल समूहबाट दोश्रो हुन सफल भए । २०६१ सालमा भएको दशौं धर्मश्री प्रतियोगितामा ७५ केजी तौल समूहबाट तेश्रो भए ।

global-corona-notice

पछिल्लो अपडेट