१७ असार २०७९, शुक्रबार

Jul 1, 2022

मास्टर प्लानमा स्पोर्ट पार्क

बुटवल । रुपन्देहीको तिलोत्तमा नगरपालिकामा इन्डोर तथा आउट डोर गरी सय बढी खेलको प्रतियोगिता एक साथ आयोजना गर्न मिल्ने गरी निर्माण गरिने स्पोर्ट पार्कको डिपिआर निर्माणको काम अन्तिम चरणमा पुगेको छ । बहुउद्देश्यीय तिलोत्तमा स्पोर्ट पार्कमा साफ अन्तर्गतका सम्पूर्ण खेलकूद प्रातियोगिता आयोजना गर्न सकिने छ । तिलोत्तमा-६ मा करिब ५० विगाह क्षेत्रफलमा बन्ने पार्क निर्माणका लागि राष्ट्रिय खेलकूद परिषदले आर्थिक वर्ष २०७६/७७ मा विनियोजन गरेको एक करोड रकमबाट २० लाख रकम डिपिआरका लागि छुट्याइएको थियो । बाँकी रहेको ८० लाख रकमबाट तारबार तथा ग्राउण्ड सम्याउनेकाम धमाधम भइरहेका छन् ।

Advertisement

सिद्धार्थ राजमार्गदेखि २ किलोमिटर भित्र तिनाउ नदिसँगै जोडिएको स्थानमा निर्माण गर्न लागिएको पार्कका लागि १० अर्व बढी लागतमा संरचना निर्माण हुने गरी डिपिआरको काम भइरहेको छ । १० देखि १५ वर्षमा योजना सम्मपन्न गर्न सकिने डिपिआर निर्माणको जिम्मा पाएको कन्सल्टेण्ट ग्रुपका योजना प्रमुख इन्जिनियर सुनिल लम्सालले बताए । स्पोर्ट पार्कमा प्रतियोगिता सञ्चालन तथा प्रशिक्षणका लागि २ वटा फुटबल ग्राउण्ड र सोही अनुसार क्रिकेटका लागि पनि एक प्रतियोगिता र अर्को प्रशिक्षण ग्राउण्ड हुने छन्।

सुविधा सम्पन्न स्वीमिङ पूल

प्रतियोगिताका लागि तयार पारिएको ग्राउण्डमा २० हजार बढी दर्शक अट्ने सुविधासम्पन्न प्याराफिट निर्माण गरिने छ । डिपिआर अनुसार निर्माण हुने संरचनाहरुका बारेमा जानकारी गराउँदै लम्सालले भने ३ वटा मल्टि प्रपोज हल हुनेछन् । जसरमा स्वीमिङ, भलिबल, ब्याटमिन्टन्, टेनिस कराँते लगाएतका सम्पूर्ण इन्डोरका खेलहरु खेल्नका लागि कभर्डहल निर्माण गरिने छ । यसैरी पाँच तारे होटलको जस्तै सुविधा सम्पन्न भिआईपी रुम, कम्तिमा २ सय जना खेलाडी बास बस्न सक्ने गरी हलको व्यवस्था, सुविधा सम्पन्न बाल उद्यान लगाएतका संरचनाहरु निर्माण हुने इन्जिनियर लम्सालले बताए ।

तिलोत्तमा-५ मा रहेको स्थानीय नबजीवन यूवा क्लबले संरक्षण गर्दै आएको खेल मैदानलाई समेटेर निर्माण गर्न लागिएको स्पोर्ट पार्कको डिपिआर बन्दै गर्दा भौतिक संरचनाहरुको निर्माणले पनि तिब्रता पाएको छ । खेलमैदानमा तारबार तथा सम्याउने कामहरु तीब्रताका साथ भइरहेको निर्माण समितिका अध्यक्ष दिपक पाठकले बताए । स्पोर्ट पार्क निर्माणसँगै यस क्षेत्रका बासिन्दाहरुको आर्थिक विकाससँगै नेपालको समग्र खेलकूद विकासमा समेत योगदान हुन सक्ने उनले बताए । डिपिआर भन्दा अगाडी स्थानीय खेलकूद मैदान तथा पार्क निर्माणका लागि मास्टर प्लान बनाएर काम अगाडी बढाइएको पाठकले बताए ।

मल्टी प्रपोज कभर्ड हल

तिलोत्तमा नगरपालिकाले यसअघि नै करिव ६० लाखको लगानीमा कभर्ड हल निर्माण गरिसकेको छ । निर्माणाधिन खेलमैदासम्म पुग्ने सडकको स्तरोन्नतीका कामलाई प्राथमिकतामा राखेर सुधारको काम भइरहेको मेयर बासुदेव घिमिरेले बताए । वि.स.२०४७ सालदेखि स्थानीयहरुले संरक्षण गर्दै आएको खेल मैदानमा गत वर्ष यस क्षेत्रमै पहिलो पटक तिलोत्तमा प्रिमियर लिग आयोजना भएको थियो । स्थानीय स्तरमा आयोजना हुने विभिन्न प्रतियोगिताहरु हुँदै आएको खेलकूद मैदानको स्तरोन्नती हुने भएपछि यस क्षेत्रका स्थानीय बासिन्दा तथा खेलप्रेमीहरु खुशी भएका छन् ।

नवजीवन स्पोर्ट क्लबको खेल मैदानलाई स्तरोन्नती गरी तिलोत्तमा स्पोर्ट पार्कका रुपमा विकास गर्दै कम्तिमा ३/३ हजार दर्शक अट्न सक्ने अत्याधुनिक प्याराफिटसहित एक फुटबल ग्राउण्ड र एक क्रिकेट ग्राउण्ड, स्वीमिङ पूल, साइकिलिङ रोड लगाएत सर्क खेल प्रतियोगिता आयोजना गर्न सक्ने गरी सुविधा सम्पन्न खेलमैदान निर्माण हुने क्लबका अध्यक्ष दिपक पाठकले बताए ।

फुटबल ग्राउण्ड

विनियोजित ८० लाख बजेटबाट हाल तार जाली लगाउने काम, कभर्डहल निर्माण तथा ग्राउण्ड सम्याउने काम भइरहेको उनले बताए । स्पोर्ट पार्कमा भिआईपी गेष्ट रुम, होस्टेल तथा बाल उद्यान समेत निर्माण गर्ने गरी मास्टर प्लान बनाएर डिपिआर बनाउने काम भइरहेको पाठकले जानकारी गराए ।

खेल मैदानमा हाल भइरहेको काम

प्रतिकृया दिनुहोस्

Flash News

व्यवसायिक रुपमा उत्कृष्ट कृषि पशुपालन गरेका ४३ किसान पुरस्कृत विद्युत प्राधिकरणको लापरबाही : करेन्ट लागेर बालिकाको हात गुम्यो सरकारविरुद्ध राप्रपाको मसाल जुलुस [तस्बिरहरू] नेप्सेमा सामान्य अंकले गिरावट कानुनको परिपालना गराउन कानुनी शिक्षाको भूमिका अहम् : राष्ट्रपति भण्डारी टिकटक बनाउने क्रममा मोटरसाइकलले ठक्कर दिँदा एक बालिका घाइते महिला हिंसा नियन्त्रणका लागि विधि र प्रविधिको व्यवस्था गर्न सरकारसँग माग बुटवलमै छ मुलुकको ठूलो जर्मन प्रविधिको विद्युत उद्योग रविको पार्टी निर्वाचन आयोगमा दर्ता चट्याङ लागेर एक युवकको मृत्यु, दुई जना घाइते भारतमा संक्रमण बढ्दा पनि छैन् सीमानाकामा कडाई रवि लामिछानेको राष्ट्रिय स्वतन्त्र पार्टी दर्ता गर्ने निर्णय भएको छैन : आयोग पाल्पामा टिपर दुर्घटना, १ जना घाइते भुवन केसीलाई बोर्ड अध्यक्ष बन्न उमेर र शैक्षिक योग्यता बाधक बाढीले प्रभावित बारा निजगढको जनजीवन सामान्य बन्दै ‘दूरसञ्चार पूर्वाधारमा दोहोरो लगानीले उपभोक्तालाई आर्थिक बोझ’ नबिल बैंकमा सीईओको कार्यभार ढुंगानाले सम्हाले पाँच वर्षकी नाबालिकालाई जबर्जस्ती करणी गर्ने किशोर पक्राउ पोखरा महानगरले तोक्यो खुर्सानीदेखि धानसम्मको बिक्री मूल्य नेपालले भारतलाई बेच्यो एक महिनामै १ अर्ब ७२ करोड रुपैयाँको विद्युत्