थप २४६ जनामा कोरोना संक्रमण, १११ संक्रमित डिस्चार्ज

बुटवल । नेपालमा आइतबार थप २४६ जनामा कोरोना संक्रमण भएको छ । स्वास्थ्य मन्त्रालयको नियमित प्रेस ब्रिफिङका क्रममा मन्त्रालयका प्रवक्ता डा.जागेश्वर गौतमले पछिल्लो २४ घण्टामा देशभर गरी २४६ जनामा कोरोना संक्रमण भएको बताएका हुन् ।

८ हजार ८६१ जनामा गरिएको पिसिआर परिक्षणमा २४६ जनामा कोरोना संक्रमण पुष्टि भएको हो । योसँगै संक्रमितको कूल संख्या संख्या २० हजार ३३२ पुगेको छ । पछिल्लो २४ घण्टामा देशभर गरी थप १११ जना कोरोना संक्रमित डिस्चार्ज भएका छन् । योसँगै कोरोना भाइरस संक्रमणमुक्त हुनेको कूल संख्या १४ हजार ६ सय ३ पुगेको छ । हालदेशभर गरी १० हजार ९३४ जना क्वारेन्टिनमा रहेका छन् । कोरोनाबाट मृत्यु हुनेको संख्या ५७ पुगेको स्वास्थ्य मन्त्रालयले जनाएको छ ।