सैनामैनामा उद्यमशीलता तालिम

सैनामैना । सहरोन्मूख नगरको रुपमा रहेको सहर हो ,सैनामैना । तर यहाँ राम्रो योग्यता र सीप नभएको जनशक्ति बढि छ । उनीहरुलाई कतब्र्यनिष्ठ बनाउन जरुरी छ । तर ब्यक्तिहरु उद्यमी बन्न सकिरहेका छैनन् । यस्ता व्यक्तिहरुलाई उद्यमी र रोजगारमूलक बनाउन नगरपालिका प्रतिबद्ध रहेको छ । उक्त कुरा सैनामैना नगरपालिकास्तरीय उद्यमशीलता विकास तालिम उद्घाटन कार्यक्रमकोे अवसरमा नगरप्रमुख चित्रबहादुर कार्कीले बताए । सोही अवसरमा बोल्दै त्यस्ता उद्यमीहरुलाई नगरपालिकाको साथ र सहयोग प्रदान गर्ने बताए ।

सोही कार्यक्रममा बोल्दै नगर उपप्रमुख बिना रानाले सहभागीहरुले छनौट प्रकृया र उद्यमी तयार गर्ने योजना अनुसार यो कार्यक्रम आएको हो । समृद्ध सैनामैनाको लक्ष्य पूूरा गर्नका लागि युनेस्कोको सहयोगमा आएको यो कार्यक्रम सफल बनाउन नगरपालिका प्रतिबद्ध छ । सहभागीहरुलाई सफल उद्यमी बन्नकालागि शुभकामना दिइन् ।

उक्त अवसरमा कार्यक्रमको उद्देश्य र स्वागत कन्चनजंघा पोलिटेक्निक इन्स्टिच्यूट (केपिन)का मिन रानाले बताएका थिए भने कार्यक्रमको सन्चालन जीवन भुषालले गरेका थिए । युनेस्कोको आर्थिक सहयोग तथा कञ्चनजंघा पोलिटेक्निक इन्स्टिच्यूट (केपिन) र सैनामैना नगरपालिकाको आयोजनामा हुने उक्त ४ दिने तालिम कार्यक्रममा मिन राना र जीवन भुषालले सहजीकरण गर्नेछन् ।