इनरह्वील क्लब अफ लुम्बिनीको पदस्थापन

भैरहवा । इनरह्वील क्लब अफ लुम्बिनीको चौथो पदस्थापन समारोह भैरहवामा सम्पन्न भएको छ ।समारोहमा वर्ष २०२०/२१ को जिम्मेवारी पाएको नयाँ कार्यसमितिलाई पदस्थापन गरिएको कार्यक्रम संयोजक नारायणी नेपालले बताइन् ।

क्लबको वर्ष २०२०/२१ को अध्यक्षमा रचना क्षेत्री, उपाध्यक्षमा मीना नेपाल पन्थी, सचिवमा रुविता पुलामी, कोषाध्यक्षमा सविता तुलाधर, आइएसओमा सिर्जना कार्की, सह–सचिवमा कनन जैसवाल र एडिटरमा नारायणी नेपाल रहेका छन् । त्यस्तै सदस्यहरुमा विना भण्डारी, विनिता नेपाल र मनु पाण्डे रहेका छन् । वर्ष २०२०/२१ को अध्यक्षको जिम्मेवारी सम्हालेकी क्षेत्री विभिन्न संघ–संस्थाहरुमा समेत अध्यक्षको जिम्मेवारी सम्हालिसकेकी छन् । क्षेत्रीले लायन्स क्लब अफ लुम्बिनी क्रियटिभ लेडी र जेसीआई सिद्धार्थ लेडी नेपालको अध्यक्षको जिम्मेवारी सम्हालिसकेकी छन् । उनी भैरहवास्थित हेभेन्ली गार्डेन किड्स क्याम्पसको प्रिन्सिपल समेत हुन् ।

कार्यक्रममा बोल्दै प्रमुख अतिथि डिष्ट्रिक ३५० को आइपीपी समिरा ध्वजुले इनरह्वील क्लब अफ लुम्बिनीले सामाजिक कार्यहरुलाई तीव्रताका साथ अगाडी बढाउनुपर्ने बताइन् । त्यस्तै डिष्ट्रिक ३५० की सम्पादक आशा श्रेष्ठ, क्लबका संस्थापक अध्यक्ष ज्ञानु पौड्याल, वर्ष २०१९/२० का अध्यक्ष सीता भट्टराई लगायतले बोल्दै वर्ष २०२०/२१ को कार्यसमितिले रचनात्मक कार्य गरेर क्लबको गरिमा बढाउने विश्वास व्यक्त गरे । क्लबका वर्ष २०१९/२० का सचिव मीना नेपाल पन्थीको सञ्चालनमा कार्यक्रम सम्पन्न भएको थियो ।

Advertisement