क्याल्गरी । नेपाली रेडियो क्याल्गरी र रेड एफएमले महामहिम राजदूत भरतराज पौडेल र नेपाल अमेरिका पत्रकार संघका अध्यक्ष सुरज भण्डारीलाई सम्मानपूर्वक स्वागत गरेको थियो। यस भ्रमणको क्रममा उनीहरूलाई रेड एफएमका स्टेशन म्यानेजर जयन्त चौधरीले आत्मीयतापूर्वक स्वागत गरेका थिए।
चौधरीले नेपाली रेडियो क्याल्गरी र रेड एफएमबीचको सहकार्य सम्बन्धमा विस्तृत जानकारी गराए। उनले क्यानाडाली समुदायभित्र बहुसांस्कृतिक समझदारीलाई प्रोत्साहित गर्ने र नेपाली संस्कृतिको प्रवर्द्धन गर्न यो साझेदारीको रणनीतिक महत्त्वलाई जोड दिए।सँवैधानिक एफएम स्टेशनहरूको सञ्चालन प्रणाली र क्यानाडाली डायस्पोरामा यसको महत्त्वको बारेमा छलफल भयो। यी स्टेशनहरूले सांस्कृतिक अभिव्यक्तिका लागि मात्र होइन, विभिन्न समुदायहरूको सामाजिक एकीकरणमा महत्वपूर्ण योगदान पुर्याउँछन्, जसले क्यानाडाली समाजको बहुसांस्कृतिक ताना(बाना मजबुत बनाउन मद्दत पुर्याउँछ।
यस भ्रमणले नेपाली रेडियो क्याल्गरी र रेड एफएम दुवैको बहुसांस्कृतिकता प्रवर्द्धन गर्न र क्यानाडामा रहेका जीवंत नेपाली डायस्पोरालाई सहयोग गर्न प्रतिबद्धता देखाउँछ। यस भ्रमणको संयोजन गर्नुहुने नेपाली रेडियो क्याल्गेरीका संस्थापक संयोजक एवम् नेप्लिज कम्युनिटी सोसाइटी अफ क्यालगेरी(NCSC) का वर्तमान उपाध्यक्ष सूर्य अधिकारीले अतिथीद्वयको भ्रमणले नेपाली रेडियोको ३०० भन्दा बढि श्रृंखला एवम् छ वर्षको इतिहासको उच्च कदर भएको बताउदै नेपाली रेडियो क्याल्गेरीको कांधमा थप जिम्मेदारी बढेको कुरा व्यक्त गरेका थिए ।
युनिकोड
मिति रूपान्तरण
ग्लोबल आवाज
प्रतिक्रिया