सामुदायिक वन समन्वय समिति तिनाउको अधिवेशन : गुरुङको अध्यक्षतामा नयाँ नेतृत्व चयन

तिनाउ । पाल्पाको तिनाउमा सामुदायिक वन समन्वय समितिको २० ओैं वार्षिक साधारणासभा एवम् ११ ओै अधिवेशन शनिवार दाेभानमा सम्पन्न भएक छ । कार्यक्रमका बोल्दै बुटवल उपमहानगरपालिकाका प्रमुख खेलराज पाण्डेयले तिनाउ र बुटवल बीच नङ र मासुकाे सम्बन्ध रहेकाे बताउँदै वन, वातावरण र जैविक विविधता संरक्षणमा सामुदायिक वन समन्वय समिति तिनाउकाे भूमिका प्रशंसनीय भएकाे उल्लेख गरे । साथै उनले तिनाउ जलाधार संरक्षणका लागि सक्दाे सहयाेग गरि अघि बढ्न आफू कटिबद्ध रहेकाे बताए ।

तिनाउ गाउँपालिकाका अध्यक्ष प्रेम श्रेष्ठले तिनाउमा रहेका वनलाई समृद्धिसँग जाेड्दै बुटवलतर्फ बगेर जाने पानी, ढुङ्गा, गिट्टी र बालुवाबाट तल्लाे तटीय क्षेत्रका स्थानीय सरकारहरुलाई तिनाउ लगायत माथिल्लाे क्षेत्रकाे वन, वातावरण र जैविक विविधता संरक्षणमा सहयाेग गर्न अपील गरे । संस्थाका अध्यक्ष पदमलाल शाक्यले आर्थिक वर्ष २०८०/०८१ का लागि प्रस्तावित याेजना तथा कार्यक्रम एवम् अनुमानित बजेट बारे जानकारी गराए ।  

गत आर्थिक वर्षभित्र भएका कार्यक्रमहरुकाे प्रगति विवरण महासचिव गणेश रास्काेटीले र संस्थाका काेषाध्यक्ष रवीन्द्र पाैडेलले गत आर्थिक वर्षकाे आयव्यय विवरण पेश गरेका थिए ।
कार्यक्रममा नेपाली काङ्ग्रेसका तिनाउ सभापति प्रेम पाण्डेय, एमाले तिनाउका अध्यक्ष राेमबहादुर लम्तरी र नेकपा माओवादी केन्द्रका नेता राजेश श्रेष्ठ लगायतले सभा र अधिवेशन सफलताकाे कामना गरेका थिए ।

अधिवेशनले दलबहादुर गुरुङकाे अध्यक्षतामा १९ सदस्यीय नयाँ कार्यसमिति चयन गरेकाे छ । जसकाे वरिष्ठ उपाध्यक्षमा प्रेम पाण्डेय, उपाध्यक्षमा शेरबहादुर थापा, महासचिवमा गणेश रास्काेटी, सचिवमा दिनेश जीसी, सहसचिवमा सावित्रा राना, काेषाध्यक्षमा बिनाेद बस्याल सर्वसम्मत चयन भएका छन् ।
सदस्यहरुमा माया थापा, चित्रा खाम्चा, हरिकला कुमाल, नैनाक्षेत्री, भगवती अर्घाली, नारायणी पाण्डेय, विकास अर्याल, जगबहादुर क्षेत्री, बाेमबहादुर आले, भाेजबहादुर छहरी, पदमबहादुर कार्की र लालकुमार श्रेष्ठ चयन भएका छन् ।
कार्यक्रमकाे सञ्चालन सचिव दिनेश जीसीले गरेका थिए ।