११ वर्षीया बोल्न नसक्ने बालिका बलात्कार आरोपमा ६० वर्षीय वृद्ध पक्राउ

बारा । बोल्न नसक्ने बालिकालाई जबरजस्ती करणी गरेको आरोपमा एक बृद्ध पक्राउ परेका छन् । जिल्ला प्रहरी कार्यालयका अनुसार निजगढ नगरपालिकाका ६० वर्षीय वृद्ध पक्राउ परेका हुन । 

पक्राउ पर्नेमा निजगढ नगरपालिका १२ बस्ने राना साइँला भन्ने सोमबहादुर लुम्बा रहेको प्रहरीले जनाएको छ । प्रहरीका अनुसार ११ वर्षीया ती बलिकालाई जबरजस्ती गरेको खबर प्राप्त हुनासाथ इलाका प्रहरी कार्यालय, निजगढबाट खटिएको प्रहरीले तत्कालै पक्राउ गरेको थियो । 

जबर्जस्ती करणीमा परेकी बालिकलाई उपचारका लागि कलैयास्थित प्रादेशिक अस्पताल पुर्‍याइएको छ । पक्राउ परेका लुम्बामाथि थप अनुसन्धान भइरहेको प्रहरीले जनाएको छ ।