ताजा अपडेट »

पद्म चैत्य विहारमा सकियो एक महिना लामो गुँलाधर्म (गुँलाभजन) कार्यक्रम

आइतबार, ३१ भदौ २०८०, २१ : ३९
52 Shares
आइतबार, ३१ भदौ २०८०
52 Shares

बुटवल । बुटवल उपमहानगरपालिका वडा नं. १ मा रहेको पद्म चैत्य विहारमा लागेको एक महिने गुँला धर्म (गुँलाभजन) कार्यक्रम सकिएको छ ।

साउन ३२ गते देखि भदौ ३० गते सम्म पद्म चैत्य विहारमा गुँला धर्म (गुँलाभजन) कार्यक्रम गरिएको थियो ।

उक्त कार्यक्रमको अन्तीम दिन विहार स्थित बौद्ध महिला संघको ३० औं बार्षिक साधारण सभा भएको छ ।

गुँला धर्मको अन्तिम दिन भाद्र ३० गते गरिएको संघको साधारण सभाको एक कार्यक्रमका बीच विहारका र्धम्मानु शासक भिक्षु कविन्द्र स्थवीरले उद्घाटन गरे । सो अवसरमा बोल्दै उनले यस्ता पर्वहरुले सामाजिक एवं सांस्कृतिक महत्व दर्साउने भन्दै निरन्तरता दिन आग्रह गरे ।

संघकी अध्यक्ष उत्तमा उदासको अध्यक्षतामा भएको सो कार्यक्रममा ६ जना महिलाहरुलाई सम्मानित गरिएको थियो ।

कार्यक्रममा सम्मानित भएकी मायादेवी शाक्य, सल्लाहकार जीवन प्रसाद ओझा, बौद्ध युवा संघका अध्यक्ष धिरेद्रमणी तुलाधर, पद्म चैत्य विहारका सञ्चालक समितिका अध्यक्ष सुरेश रत्न बज्रचार्य लगाएतले शुभकामना मन्तव्य राखेका थिए ।

कार्यक्रममा कोषाध्यक्ष उर्मिला शाक्यले कोषाध्यक्षको प्रतिबेदन तथा महासचिव निरु बज्रचार्यले बार्षिक प्रतिबेदन प्रस्तुत गरेकी थिईन । त्यस्तै कार्यक्रममा धन्यवाद ज्ञापन संघी उपाध्यक्ष भाग्यलक्ष्मी शाक्यले गरेकी थिईन ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।