मैनादेवी अनाथ आश्रममा तिलाेत्तमाका युवाहरूकाे सहयाेग

बुटवल । रुपन्देही तिलाेत्तमा ६ मा रहेकाे मैनादेवी अनाथ आश्रमका अनाथ बालबालिकालाई शैक्षिक सामग्री तथा खाद्यान्न बितरण गरिएको छ ।

Advertisement

रिटर्नी फेडेरेसन नेपाल तिलोत्तमा नगरकमिटी अध्यक्ष सन्तोष अर्याल तथा लक्ष्मी कुँवरकाे नेतृत्वमा विश्व बालश्रम विरूद्धकाे दिवसकाे अवसरमा साे सामग्री वितरण गरिएकाे हाे । वाड नम्बर ११ का सन्तोष अर्यालले हामी सबै बालबालिकाहरूकाे अभिभावक भएकोले आफू अनाथ हो भन्ने सोच नराखी अगाडि बढ्न आग्रह गरे ।

सञ्चालक मैनादेवी भण्डारीले विभिन्न व्यक्तिको सहयाेगले आश्रम चलिरहेको र आगामी दिनमा पनि सहयाेगकाे अपेक्षा रहेकाे बताइन् । तिलोत्तमा नगरपालिकाले विदेश गएका र विदेशबाट आएका व्यक्तिहरूकाे तथ्यांक संकलन गर्न प्रत्येक वाड बाट १-१ जना खटाएको थियो ।

जसअनुसार एक हजार सञ्चार खर्च दिइएकोमा साेही रकमले अनाथ आश्रममा सहयाेग गरेकाे सन्ताेष अर्यालले जानकारी दिए । वडा नम्बर-३ का लक्ष्मी कुँवर , वडा नम्बर-४ का मन्जु ज्ञवाली पोखरेल , वडा नम्वर-८ का सुरज ढकाल , वडा नम्वर-९ का संगीत बुढाप्रिती , वडा नम्वर-१० का गिता चौधरी, वडा नम्वर-११ का सन्तोष अर्याल त्यसैगरी नम्वर-१३ का रमा परियार , वडा नम्वर-१४ का खिम कुमारी सार्की, वडा नम्वर-१५ का उर्मिला थारु , वडा नम्वर-१६ का ललिता चौधरी थारु र वडा नम्बर-१७ दिपा पाण्डेले सहयोग गरेका थिए । भने बाँकी अन्य वडाबाट यस कार्यक्रममा सहभागी नभएकाे अर्यालले बताए । यस अभियानमा अनिल चौधरी , रवि सेञ्चुरी लगायतले आर्थिक तथा खाद्यान्न सहयोग गरेका थिए ।

कार्यक्रममा सुरज ढकाल , उर्मिला चौधरी लगायतले बाेलेका थिए ।कार्यक्रममा प्रमुख अतिथि तिलाेत्तमा नगरपालिकाका सामाजिक विकास समिति संयाेजक सेञ्चुरीले याे निकै उदाहरणीय काम भएकाे र अन्यले पनि यस्तै सहयाेग गर्न जरूरी रहेकाे बताए । सुरज ढकालकाे अध्यक्षता रहेकाे कार्यक्रमकाे संचालन संगीत बुढाप्रितीले गरेका गरेका थिए ।