गुल्मीको रेसुङ्गाको विकासले फड्को मार्दै

गुल्मी । पछिल्लो एक वर्षयता गुल्मीको रेसुङ्गा नगरपालिकाको विकासको गतिले फड्को मारेको छ । त्यो कुनै व्यक्तिले भन्न र लेख्न परेन सडक पुरर्निर्माणदेखि विभिन्न क्षेत्रमा भएका विकास निर्माणले फड्को मारेको छर्लङ्ग देख्नै सकिन्छ । यस भन्दा पुर्व मेयर सहितका जनप्रतिनिधीले केहि गरेनन अहिलेका मेयरसहितका जनप्रतिनिधीले मात्रै गरे भन्न खोजिएको होईन ।

हाल प्रदेश सांसद रहेका संस्थापक मेयर डिल्लीराज भुसालले विपक्षी राजनीति दल नेपाली कांग्रेसको चर्को विरोध र अवरोधका बावजुद पनि नगरपालिकाको संस्थागत विकासमा सफलता हाँसिल गरेकै हुन् । मझेङ्ग खानेपानी योजना, गडजुरामा बिशाल रेसुङ्गा पार्क, महादेव पोखरी देखि माथी यज्ञशाला पुग्ने अकर्षक सिढी निर्माण लगायमा उल्लेख्य काम गरे ।

त्यस्तै, रेसुङ्गा विमानस्थलको निर्माण कार्यमा तीव्रता , अजुनडाँडा र उनायचौरको ट्रिहाउससहितका पर्यटकिय गनतब्य निर्माण, रेसुङ्गा नगरपालिकाको प्रशासकिय भवन निर्माण उनका छर्लङ्ग देखिने र तारिफ नै गर्न सकिने विकास निर्माण हुन् । त्यस अवधिमा अनेकन नीति निर्माणसहित नगरपालिकालाई संस्थागत विकासको जग निर्माणमा उनलाई त्यसपालिका परिवारले सधैव सम्झीनै र सम्मान गर्ने पर्छ ।

संस्थागत मेयर भुसालको प्रशंसा गरिरहँदा वर्तमान मेयर खिलध्वज पन्थीको एक बर्षे कार्यकालमा विकास निर्माण र जनताकै पक्षमा प्रायः दैनिक झण्डै १८ घण्टा सम्मको खटाईको पनि तारिफ गरिएन् भने अन्याय हुने छ । कहिले मेयर पन्थी एकाविहानै सडक निर्माणस्थलमा कहिले राती अबेरसम्म कामदारसंगै खटेको देखिन्छन् ।

तम्घास बजारको खाल्डाखुल्डी र साँघुरो सडकले यहाँका जनप्रतिनिधीहरुलाई गिज्जाई रहेको थियो । तर फराकिलो पार्न निकै चौनौतीपुर्ण थियो । तर मेयर पन्थी सहित सबैदलबाट निर्वाचित सबैतहका जनप्रतिनिधीहरु सडकमा ओर्लेल कतै घरधनीसँग हात जोडदै त कतै धारेहात खाँदै भए पनि सडक पेटी भत्काएर सडक मिले सम्मकै फराकिलो फारेर पुन कालोपत्रे गर्ने कार्य लगभग अन्तिम चरणमा पुराएका छन् ।

फराकिलो र कालोपत्रे सडक भईसकेपछि यति बेला सँच्ची नै तम्घास बजारलाई दशै आएको छ । दशैताका मात्रै यी र यस्ता सडक, र बाटाघाटाहरु यति सफा हुन्थे । त्यसो त कालोपत्रे नहुनु अघि पनि मेयर पन्थीले सडक सरसफाई छेडेर भुँईमा खसेको खाद्य पदार्थ पनि नटिपेर खाउँ जस्तो बनाउँदै आएका थिए । अरु भन्दा पनि सामाजिक सञ्जालमा ब्याङ्ग गरिदै आएको र राज्यको करोडौं रकम खेर फाले भन्दै रेसुङ्गा विमानस्थल त बन्यो तर नियमित उडान नहुने भयो भनेर आलोचना गरिएको थियो । तर मेयर पन्थी महिनौ काठमाण्डौ बसेर हरेक शुक्रबार नियमित उडान गराएरै छाडे । त्यस पछि पनि नियमित उडान त हुने भयो तर यात्रु नपाउने भयो भनेर पन्थी माथी आलोचना सुरु भयो । त्यस विरुद्ध सदरकुमामा शनिवार एक कार्यक्रममा आयोजित मेयर पन्थीले पीडा पोखे ।

उनले भने –‘नियमित उडान त भयो तर यात्रु पाउन नसके पछि नियमति उडान हुन नसक्ने भयो भन्दै सामाजिक सञ्जालमा आलोचना गरिदैछ, तर आउनुहोस हामी कहाँ हेर्न आगमी चार हप्तासम्म टिकट प्याक भई सकेको छ । अर्को कुरा भनिदैछ नगरपालिकाको कोठाबाट टिकट वितरण गरियो भनेर तर होईन त्यो नेपाल एअरलाईन्सले नै टिकट बुक गर्छ हामीले त संयोजन मात्रै गरेका हौं ।’ उनले थपे राम्रा कामलाई राम्रो भन्न पनि सिकौं साथीहरु । हामीलाई तारिफ गर्नुस भनेका होईनौं, हामीलाई तारिफ चाहिएको पनि छैन काम चाहिएको छ , हेर्दै जानुस त्यसको नतिजा आफै बोल्ने छ ।

पन्थीले आफ्नो कार्यकाल अब चार बर्ष बाँकी छ हैन, एक वर्ष मात्रै बाँकी छ त्यस भित्रमा हामीले अगाडी सारेका र जनताले चाहेका सबै विकास निर्माण सम्पन्न गर्ने गरि आफु पनि दिनरात भनि खटेको र पालिकाका सबै जनप्रतिनिधी पनि त्यसरी नै खटने उनले निर्देशन दिए । पन्थीले सालझण्डी तम्घास ढोरपाटन सडक निर्माणको काम बिचमा अलपत्र परिरहेकोले आफु निर्वाचित हुन साथ सम्बन्धीत निर्माण कम्पनीलाई खोजेर निर्माण कार्यमा तीब्रता दिएको , छिट्टै नै सालझण्डीदेखि खज्र्याङ्ग सिमिचौर तम्घाससम्मको सडक खण्ड सम्पन्न गरी नियमित यातायात सुचारु गर्ने गरी बजेट पार्न केन्द्रमा दौडधुप गरिरहेको जानकारी दिए । उनले सालझण्डी तम्घास सडक सम्पन्न भए पछि गुल्मेलीहरुको सुरक्षित यात्रा मात्र नभई समृद्धिको यात्रा समेत सुरु हुने दावी गरे ।

उनले रेसुङ्गा धार्मिक क्षेत्रलाई पर्यटकिय हव बनाउन नगरपालिकाले ‘जाउँ हिड रेसुङ्गा ’ अभियान अगाडी सारेको र यस अभियानलाई सफल पार्न सबै पक्षुसँग सहयोगको अपिल गरे । उनले महादेवपोखरीमा चारधामको जल ल्याएर जलमग्न बनाउने र बुटवल सम्मका पत्रकार बोलाएर प्रचार सुरु गरेपछि विश्वभर रेसुङ्गालाई चिनाउने र हजारौ होईन लाखौ पर्यटक भित्राउने आफ्ने लक्ष्य रहेको उद्धघोष गर्दै आफुले सांसद भण्डारीले बजेट भाषण अघि अर्थमन्त्रीलाई भेटेर रेसुङ्गाको पर्यटन पुर्वधार विकासमा यसपाली झण्डै दुई करोड पारिएकोमा अर्थमन्त्री प्रकाशशरण महत र अस्वास्थ्य अवस्थामा चन्द्र भण्डारीले समेत अर्धमन्त्रीमन्त्रीलाई मेरो रेसुङ्गालाई बजेट चाहिन्छ है भनेर आग्रह गरेको प्रति दुबैलाई धन्यवाद दिए ।

मेयर पन्थीले यी भनाईहरु बैशाख २३ देखि ३१ गतेसम्म रेसुङ्गाधाममा सञ्चालन भएको श्रीराम महायज्ञ तथा श्रीराम कथा महामहोत्सव मेला समिक्षा तथा आयव्यय सार्वजनिक कार्यक्रममा राखेका हुन् । आयोजक रेसुङ्गा संरक्षण समितिका कोषाध्यक्ष, नेत्रबहादुर बस्नेतले प्रस्तुत गरेको प्रतिवेदन अनुसारसम्पुर्ण खर्च कटाएर पनि रेसुङ्गा क्षेत्रको लागि समितिले २२ लाख भन्दा बढि आम्दानी बैंक खाता मै सुरक्षित गरेको छ । रेसुङ्गा नगरपालिकाले मेला सम्पुर्ण ब्यवस्थानकाृ जिम्मा लिएर पनि थप दुई दिने घोषणा गरेको छ ।

गुल्मीदवारले डेढ लाख अन्य पालिकाहरुले पनि २५ देखि ५१ लाखसम्म दिने घोषणा गरेको छ । त्यो सहित झण्डै ३० लाख संरक्षण समितिको कोषमा जम्मा पनि देखिन्छ । बस्नेतले कुल आम्दानी ५८ लाख ४७ हजार ८१५ रुपैयाँ भएको, खर्च ३५ लाख ७१ ह्जार ४५० भएको र २२ लाख ७६ हजार ४९५ रुपैयाँ बैंक खातामा बचत रहेको जानकारी दिएका छन् । कार्यक्रममा महायज्ञ सफल पार्न सहयोग पुराउने सबै पक्षलाई आयोजक रेसुङ्गा संरक्षण समितिका अध्यक्ष तथा मुल समारोह समितका संयोजक सुरेशचन्द्र भुसालले धन्यवाद दिए ।

सचिव गोपाल प्रसाद पन्थीले प्रस्तुत गरेको विवरणमा व्यवस्थापनमा पानीदेखि कम्य्ुटरसहितको प्राविधिक, यातायातसम्मको भरपुर सहयोग रेसुङ्गा नगरपालिकाले गरेको छ । त्यस्तै तम्घासका रेग्मी भाँडा पसलले रेसुङ्गाको मेलाको भोजन निशुल्क उपलब्ध गराएको प्रति धन्यवाद दिईएको छ । तस्तै तम्घासका १५ वटा बैंकहरुले ५ हजार देखि २ लाखसम्म सहयोग गरेका छन । सबै भन्दा बढि २ लाख ग्लोबल आईएमई बैक तम्घासले पम्पेलेट छपाईका लागि उपलब्ध गराएको छ ।