ताजा अपडेट »

अन्तर मा.वि. दौड प्रतियोगिताको उपाधि पाण्डे र बोटेलाई

मंगलबार, २९ पुस २०७६, ०९ : ४४
14 Shares
मंगलबार, २९ पुस २०७६
14 Shares


पुस २९,

ग्लोबल आवाज

बुटवल । मदन भण्डारी स्पोर्टस एकेडेमी बुटवल नगर कमिटीले आयोजना गरेको नगर स्तरिय अन्त मा.वि. ५ हजार मिटर दौड प्रतियोगिताको उपाधि ललिता पाण्डे र शिव बोटेले हात पारेका छन् । एकेडेमीको ११ औं स्थापना दिवसका अवसरमा मँगलबार भएको प्रतियोगितामा छात्रतर्फ न्यू होराइजन माविका शिव बोटेले १६ मिनेट ५ दशमलव ४ सेकेण्डमा निर्धारीत दुरी पार गर्दै प्रथम स्थान हासिल गर्न सफल भएका हुन् । उनले यसअघि लायन्स क्लबले आयोजना गरेको प्रतियोगितामा प्रथम भएका थिए ।

यसैगरी छात्रातर्फ नविन औद्योगिक कदरबहादुर तिरा माध्यमिक विद्यालयकी ललिता पाण्डेले २१ मिनेट १० दशमलव २० सेकेण्डमा निर्धा्रित दुरी पार गर्दै प्रथम हुन सफल भएकी हुन् ।
बुटवलको योगिकुटीबाट सुरु भएको दौड प्रतियोगिता गोलपार्क पुगेर पुनः ट्राफिक चोकमा आइ समापन गरिएको थियो । प्रतियोगितामा छात्रतर्फ कान्ति मा.वि.का सन्तोष घर्तिले १६ मिनेट २१ दशमलव ७ सेकेन्डमा निर्धा्रित दुरी पार गरी दोस्रो भएका थिए । छात्रातर्फ कालिका मा.वि.की मिना ज्ञवालीले २१ मिनेट ५२ दशमलव ३२ सेकेण्डमा निर्धा्रित दुरी पार गर्दै दोस्रो तथा नहरपुर मा.वि.की खिमा शेरचनले २३ मिनेट ३७ दशमलव १२ सेकेण्डमा निर्धारित दुरी पार गर्दै तेस्रो स्थान प्राप्त गर्न सफल भएका थिए ।

प्रतियोगितामा छात्र तथा छात्रातर्फ विजेताले समान ११ हजार १ सय ११ रुपैयाँ नगद पुरस्कार प्राप्त गरेका छन् भने उप विजेताले ६ हजार ६ सय ६६ रुपैयाँ नगद पुरस्कार प्राप्त गरेका छन् । यसैगरी छात्रातर्फ तेस्रो स्थान हासिल गर्ने प्रतियोगितालाई पनि पुरस्कृत गरिएको छ । छात्रातर्फ तेस्रो हुने विद्यार्थीले ४ हजार ४ सय ४४ रुपैयाँ नगद पुरस्कार प्राप्त गरेका छन् ।

प्रतियोगितामा नगर भित्रका विभिन्न विद्यालयहरुबाट २ सय ५० बढी विद्यार्थीहरुको सहभागिता रहेको थियो । एक कार्यक्रमका बिच बुटवल उपमहानगरपालिकाका नगरप्रमुख शिवराज सुवेदी, एकेडेमीका केन्द्रीय उपाध्यक्ष ध्रुव आचार्य, नगर अध्यक्ष समुन्द्र श्रेष्ठले विजेता, उपविजेता खेलाडीहरुलाई पुरस्कार वितरण गरेका थिए ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।