सोनालिकाको सिरिज–२ अन्तर्गतका कम्बाईन्ड हार्भेष्टरको विक्री सुरु

भैरहवा । नेपालमा अहिले रहेका कम्बाईन्ड हार्भेष्टरको अद्यावधिक रुप सिरिज–२ अन्र्तगतका कम्बाईन्ड हार्भेष्टरको बिक्रि भैरहवामा सुरु भएको छ । शौरभ इन्टरप्राईजेजको भगिनी संस्था शौरभ कृषि फार्मले गहुँ तथा धान काट्ने कम्बाईन्ड हार्भेष्टरको मेशिनको विक्री सुरु गरेको छ।

सोनालिकाले बजारमा ल्याएको यो नयाँ सिरीजको कृषि यन्त्रले पुरानो सिरिजका कम्बाईन्ड हार्भेष्टर भन्दा छिटो एवम उन्नत तरिकाले धान गँहु कटान गर्ने जनाएको छ । शौरभ इन्टरप्राईजेज भैरहवा, रुपन्देहीका अध्यक्ष दीपक श्रेष्ठका अनुसार गहुँ धान काट्ने यो यन्त्र फोर डब्लु डी र टु डब्लु डि गरी २ मोडलका छन् । फोर डब्लु डीको ५१ लाख रुपैया र टु डब्लु डीको ४८ लाख रुपैयाँ मुल्य (करसहित) रहेको छ । यसमा किसानको सुविधा अनुसार बैकिङ्गको ब्यवस्था पनि गर्न सकिने उनले बताए ।

“सबैभन्दा छिटो, कम लागतमा बढी गहँु र धान काट्ने यो यन्त्र अहिले निकै लोकप्रिय भइरहेको छ । यसको क्षमता गहुँ तथा धान १ घण्टामा १ विगाहामा काट्ने गर्दछ । डिजल इञ्जिनबाट चल्ने यो यन्त्रले १ घन्टामा ७ देखि ९ लिटर डिजल मात्र खपत गर्दछ ।” उनले भने, “यो अहिले सम्मकै सबैभन्दा किफायती हो ।” इन्जन र गियरबक्समा १ वर्षको वारेण्टी रहेको यसको क्षमता धान गहुँ कटानपछि १८ क्वीन्टल राख्न मिल्ने टैंक रहेको श्रेष्ठले बताए ।

उनका अनुसार यसमा कटर ग्रेडर लगाएपछि धान गहुँबाहेक मकै अरहर, मसुरो, सुर्यमुखी काट्न मिल्छ । सौरभ कृषि फार्म सोनालिकाको कम्बाईन्ड हारभेष्टरको सप्लायर्स नेपालमा एकमात्र रहेको श्रेष्ठले बताए । “जनशक्तिको अभाव भएको बेलामा यो उपकरणले किसानलाई धेरै राहत दिन्छ । विक्रीपछिको सेवा उपलब्ध छ । घर खेत जहा बिग्रे पनि त्यही गएर मर्मत गर्ने सेवा उपलब्ध छ ” उनले भने ।

विगत ६ वर्षदेखि कृषि क्षेत्रमा प्रयोग हुने मेशिन विक्री वितरण गर्दै आएको फार्मले भारतीय कम्पनी सोनालिकाले उत्पादन गर्दै आएको विभिन्न कृषि उपकरणहरु देशभैर विक्री गर्दै आएको छ । सोनालिकाको कृषि उपकरण विक्री गर्दै आएकोमा कम्बाईन्ड हार्भेष्टरको नेपालकै डिलर र अन्य उपकरण रोटाभेटर, कल्टिभेटरसहितका यन्त्रको पनि शौरभ कृषि फार्मले विक्री गर्दै आएको सौरभ इन्टरप्राईजेजले जनाएको छ ।