बुटवल । निजी क्लिनिक तथा स्वास्थ्य संस्थाहरुमा सरकारी चिकित्सकहरुले नाम प्रयोग गरेको गुनासो बढेपछि मन्त्रालयले उक्त कार्य रोक्न निर्देशन जारी गरेको छ । स्वास्थ्य तथा जनसंख्या मन्त्रालयले मातहतका चिकित्सकहरुलाई निजी क्लिनिकमा नाम प्रयोग नगर्न बुधबार एक सूचना जारी गर्दै निर्देशन दिएको हो ।
निजी क्लिनिकमा आफ्नो नाम प्रकाशित गर्ने गैरव्यवसायिक र अनैतिक कार्य नगर्न भनेको हो । मन्त्रालयका शाखा अधिकृत शेरबहादुर विकद्वारा हस्ताक्षर गरिएको सूचनामा भनिएको छ, ‘कुनै पनि चिकित्सकहरुले निजी क्लिनिकमा आफ्नो नाम प्रकाशित गर्ने गैरव्यवसायिक र अनैतिक कार्य गर्न नहुने व्यहोरा सम्बन्धित सबै चिकित्सकहरुका लागि सूचित गरिन्छ ।’
मन्त्रालयले सरकारी अस्पतालका चिकित्सकहरुले निजी क्लिनिकमा नाम प्रकाशित गर्ने कार्य स्वास्थ्य सेवा ऐन, २०५३, तथा नियमावली २०५५, जनस्वास्थ्य सेवा ऐन, २०७६, तथा नियमावली २०७७, नेपाल मेडिकल काउन्सिल ऐन, २०२० तथा नेपाल मेडिकल काउन्सिल नियमावली २०२४, को नियम २२ मा भएको चिकित्सक आचारसंहिताको उल्लंघन हुने जनाएको छ ।
मन्त्रालयले मातहतका विभिन्न अस्पतालमा कार्यरत चिकित्सकहरुले निजी क्लिनिकमा नाम प्रयोग गरेको गुनासो आएको र उक्त कार्यमा गम्भीर ध्यानाकर्षण भएको समेत जनाएको छ ।
युनिकोड
मिति रूपान्तरण
ग्लोबल आवाज
प्रतिक्रिया