गुल्मी । रेसुङ्गा नगरपालिकाले आयोजना गरेको विशेषज्ञ डाक्टरसहितको नि:शुल्क स्वास्थ्य शिविरमा म्याद गुज्रीएको औषधी बितरण गरेको भेटिएको छ । बुटवल स्थित चौराह अस्पतालको प्राबिधिक सहयोगमा उक्त अस्पतालले उपलब्ध गराएको औषधी म्याद सकिएको पाइएको हो । सेवाग्राहीको स्वास्थ्यमा खेलवाड गर्दै डेट एक्साएर औषधी वितरण गरिएको पाइएपछि घटना लुकाउने प्रयास समेत गरिएको छ ।
गाउँपाीकाले तामझामसहित शनिबार आयोजना गरेको शिविरमा स्थानीय हरिमाया थापालाई दिएको औषधी ३ महिना अघिनै म्याद गुज्रीएको भेटिएको छ । नसा सम्बन्धि विमार भएकी रेसुङ्गा-८ की थापालाई म्याद गुज्रीएको एमिजोय-१० नामक औषधी बितरण गरेको पाइएपछि घटना बाहिर आएको हो । अगष्ट २०२१ मा उत्पादन भई शिल्ड गरिएको उक्त औषधिको प्रयोग मिति जनवरी २०२३ सम्म रहेको थियो । म्याद गुज्रेको ३ महिनापछि अर्थात मार्च २०२३ मा औषधि वितरण गरिएको छ ।
पीडित थापाले घरमा लगेर औषधि सेवन गर्न लागेको समयमा उनकी छोरीले म्याद गुज्रीएको पाएपछि सेवन गर्न रोक लगाएकी थिइन । उक्त घटना बाहिरिएसँगै शिविरमा वितरण गरिएको औषधीको प्रयोग गर्न मिल्ने म्याद हेरेर मात्रै सेवन गर्न नगरपालिकाले आग्रह गरेको छ ।
जिल्ला समन्वय प्रमुख, प्रमुख जिल्ला अधिकारी, जिल्ला प्रहरी प्रमुख लगायतलाई अतिथी गराएर आयोजित शिविरमै गल्ती भेटिएपछि उनीहरु समेत आलोचित हुन पुगेका छन् । चौराह अस्पतालले प्राविधिक सहयोग गरेको शिविरमा औषधी व्यवस्थापन लगायतको काम ईस्मा गाउँपालिका-५ मा अवस्थित स्वास्थ्य चौकीका अहेब रमेश मरासिनी र क्षितिज भन्डारिले गरेका थिए ।
युनिकोड
मिति रूपान्तरण
प्रेम सुनार
प्रतिक्रिया