बुटवलमा बजाजको नयाँ स्पोर्टी बाईक लन्चसंगै एक्सचेन्ज महाकुम्भ, प्रमोद खरेलको प्रस्तुती

बुटवल । बजाज मोटरसाइकलको नेपालका लागि आधिकारिक बिक्रेता हंसराज हुलास चन्द एण्ड कम्पनीले चाडपर्व लक्षित विभिन्न योजना शुरु गरेको छ । स्पोर्टी लुक्स खोज्ने ग्राहक केन्द्रित नयाँ बाईक लन्चसंगै सांगितिक कार्यक्रमहरुमार्फत देशब्यापी कार्यक्रम सञ्चालन गरेको छ । चर्चित गायक प्रमोद खरेल, गायिका टीका प्रसाई र हास्यकलाकार सुमन कार्कीको उपस्थितिमा साङ्गीतिक कार्यक्रम शनिबार बुटवलमा हुने रुपन्देहीको आधिकारीक विक्रेता भैरव अटोमोबाईल्स प्रालिका संचालक कपिल खड्काले बताए ।

‘स्पोर्टी लुक्सको बजाज पल्सर एनएस १ सय २५ सिसि नया बाईक लन्च गर्दैछौ ।’–उनले भने । यो बाईक तराई सडकका लागि धेरै उपयोगी र ईकोनोमी बाईक भएको उनको दाबी छ । विश्वब्यापी रुपमा वातावरण जोगाउने मापदण्ड बिएस सिक्स प्रविधिको पहिलो बाईक भएको उनले बताए । युवा र संगितलाई जोडेर प्रचार गरिएको उनले बताए । पुर्व ईटहरीबाट १३ तारिकमा शुरुभएर बुटवलमा शनिबार गरिदै आएको छ । यसैगरि असोज १ गते विश्वकर्मा पुजाको दिन बुटवलमा सागितिक कार्यक्रमसहितको लन्चिङ कार्यक्रम गर्न लगेको उनले बताए । आकर्षण लुक्ससंगै ईकोनोमी बाईक भएको उनले बताए । बजार मुल्य २ लाख ७९ हजार ९ सय रुपैयामा रहेको छ । कम्पनीले रातो, निलो, सुन्तला र खैरो गरि ४ कलरमा बजारमा आएको छ । यो संगै असोज २ गतेदेखि ७ गतेसम्म महामेला एक्सचेन्ज समेत चलाउने भएको छ ।

हंसराज हुलास चन्द एण्ड कम्पनी बजाजको सेल्स रिजनल अफिसर प्रकाश शर्मा मरासिनीले ग्राहकका लागि ‘बजाज आधाको आधा’ नामक ग्राहक योजना समेत ल्याएको बताए । जस अन्तर्गत ग्राहकलाई आफूले किन्न लागेको बाइकको मूल्यको आधाको आधा अर्थात् २५ प्रतिशत मात्र डाउनपेमेण्ट गरी बाइक लैजान सक्ने सुविधा रहेको छ । यस योजना अन्तर्गत हरेक बाईकको खरिदमा सात हजार नगद छुटको व्यवस्था पनि गरिएको कम्पनीले बताएको छ । बजारमा १८ वटा मोडलहरु बजाजका दुईपाग्रे सवारीसाधनहरु बिक्रीवितरण हुँदै आएको छ ।