फोटो पत्रकार महासंघ नवलपरासी अध्यक्षमा अनिल यादव

नवलपरासी । नेपाल फोटो पत्रकार महासंघ पश्चिम नवलपरासीको अध्यक्षमा अनिल यादव चयन हुनुभएको छ । आज परासीमा सम्पन्न महासंघको दोस्रो साधारण सभा तथा अधिवेशनले यादवलाई अध्यक्षमा सर्वसम्मत चयन गरेको हो । महासंघको उपाध्यक्षमा हुसेन अन्सारी, सचिवमा उमेश वि.क., कोषाध्यक्षमा बिकास अधिकारी र सहसचिवमा रविन्द्र यादव चयन भएका छन ।

११ सदस्यि समितिको सदस्यहरुमा उर्मिला यादव, आरती राना, जितेन्द्र गुप्ता, प्रदिप पाठक, माधव घिमिरे र राज चौधरी चयन भएका छन् । अधिवेशन उद्घाटन सत्रमा बोल्दै जिल्ला समन्वय समितिका प्रमुख भगौति यादवले पत्रकारीता पेसालाई थप मर्यादित बनाएर अगाडी बढ्नुपर्नेमा जोड दिए। व्यवसायिक पत्रकारीताको धर्म नछाडि निष्पक्ष पत्रकारीता आजको आवश्यकता भएकोमा उनको जोड थियो । जिल्ला समन्वय अधिकारी मान बहादुर खड्काले पत्रकारीतामा देखिएका चुनौती पत्रकारलेनै समाधान गर्नुपर्नेमा जोड दिदै सकारात्मक पक्षलाई थप उर्जा प्रदान गर्ने र नकारात्मक कामलाई निरुत्साहित गर्न पत्रकारीता केन्द्रित हुनुपर्नेमा जोड दिए ।

पत्रकार महासंघका अध्यक्ष हरि शर्माले नवलपरासीको पत्रकारीतामा विकृति मौलाएको बताउदै यस्लाई सुधार गर्नुपर्ने बताए । समाचार खोजि गरी लेख्ने भन्दा पनि चाकडी पत्रकारीतामा बढि जोड दिएको बताउदै उनले यस्लाई सुधार गर्नुपर्नेमा जोड दिए । फोटो पत्रकार महासंघका अध्यक्ष ताराचन्द्र बर्माको अध्यक्षतामा काईक्रम सम्पन्न भएको थियो । फोटो पत्रकार महासंघको केन्द्रिय अधिवेशन भोली देखि भदौ ३१ गते सम्म चितवनको सौराहामा हुदै छ ।