मिस धरान आइकनको उपाधि आशमायालाई

धरान । प्रथम वाईवाई मिस धरान आइकन–२०२२को उपाधि आशमाया राईले जीतेकी छन् । ब्ल्याकपिग इन्टरटेन्मेन्टले शुक्रबार आयोजना गरेको यो सौन्दर्य प्रतियोगितामा प्रमुख निर्णायक शिवराज श्रेष्ठले सोधेको प्रश्न ‘तपाईं यो धर्तीमा किन जन्मिनु भयो जस्तो लाग्छ ?’ को उत्कृष्ट जवाफ दिएकी आस्मायाले उपाधिसँगै नगद ५० हजार प्राप्त गरेकी छन् ।

त्यस्तै प्रजना राई फस्ट रनर अप बनेर नगद ३० हजार जितिन् भने स्वेता पोखरेलले सेकेन्ड रनर अप बनेर नगद २०हजार जितिन् । त्यस्तै निवा लिम्बुले मिस पर्सनालिटी, स्वेता पोखरेलले मिस वेष्टवाक र मिस कन्जिनालिटी, रानु श्रेष्ठले मिस फोटोजेनिक, सेलि श्रेष्ठले मिस मल्टिमिडिया, रोजनी लिम्बुले भ्यूअर्स च्वाइस, जेनिस्ना श्रेष्ठले मिस डिसिप्लिन, विपिका लिम्बुले मिस कल्चरल ड्रेस र सृष्टि लामाले मिस चार्मिङ सव टाइटल जीते।

कोरियोग्राफर प्रजिता तामाङको कोरियोग्राफीमा मञ्चमा उत्रिएका १८ प्रतिष्पर्धीलाई मुख्य निर्णायक श्रेष्ठसहित निर्णायकहरु अभिनेता गजित विष्ट, अयुव केसी, सानुबाबा सुब्बा, गायक एपी शेर्पा, सुमन श्रेष्ठ, पत्रकार गोपाल दाहाल, मिस पूर्वाञ्चल २०१३ नेहाबजाज, मिस टुरिजम नेपाल २०१५ चन्द्रिकामोते, मिस पूर्वाञ्चल २०१७की फस्टरनरअपसिमरन श्रेष्ठ, मोटिभेसनल स्पिकर सुरेश राई, पाथीभरा जब लिंकका सञ्चालक पवन अधिकारी र रंगकर्मी नविन मेन्याङ्वोले उत्कृष्ट १८ बाट उत्कृष्ट १२, उत्कृष्ट ५ हुँदै विजेता छनोट गरेका थिए ।

सहारा इन्टरटेन्मेन्टको व्यवस्थापनमा सदन सभाहलमा भएको कार्यक्रममा गायिका सरला श्रेष्ठ, सुमन श्रेष्ठ लगाएतले गीत प्रस्तुत गरेकाथिए ।