नेपाली महिला क्रिकेट टिम, बल ५ खेल्दै १० विकेटले विजयी

मंसिर १६,

काठमाडौँ । १३ औं दक्षिण एसियाली खेलकुद(साग) महिला क्रिकेटमा माल्दिभ्सलाई १० विकेटले हराएको छ । तीव्र गतिकी बलर अन्जली चन्लले विश्वकीर्तिमान सहित उत्कृट प्रर्दशनसँगै नेपालले १७ रनको सामान्य लक्ष्य केबल ५ बलमै पुरा गरेको हो ।

पहिलो नो बलमा काजल श्रेष्ठले चौका प्रहार गरेकी थिइन् भन्ने पहिलो बलमा पनि चौका प्रहार गरिन् । दोस्रो बलमा १ रन लिदा तेस्रो बलमा सिता राना मगर डट भइन् । चौथोमा वाइड २ र अर्कोमा काजले चौका प्रहार गरिन् । पाँचौ बलमा लेग वाइका रुपमा १ रन लिदै नेपालले ५ बलमा खेल जितेको हो । यो नेपालले जितको तेस्रो सर्वा्धिक छिटो जित पर्दछ । यस अघि रवान्डा र तानजानिले समान ४ बलमा खेल जितेका छन् । नेपालकी ओपनर काजल श्रेष्ठले ५ बलमा ३ चौका सहित १३ रनमा अविजित रहिन् ।

त्यसअघि अन्जलीले अद्भुत प्रदर्शन गरेपछि माल्दिभ्स १०.१ ओभरमा मात्र १६ रनमा अल आउट भएको थियो । नेपालको बलिङ आक्रमण विरुद्ध माल्दिभ्सका ९ जना खेलाडीले खाता समेत खोल्न सकेनन् । उसका हफ्सा अफ्सा अब्दुल्लाले ४ र हामना नियाजले ९ रन बनाउन बाहेक अन्यले खाता खोल्न सकेनन् । अन्जलीले ४ व्याटम्यानलाई क्याच आउट र २ लाई बोल्ड आउट गरेकी थिइन् ।

अन्जलीले २.१ ओभरमा २ मेडन सहित कुनै रन नदिइ ६ विकेट लिइन् । अन्जलीले नवौं ओभरको पाँचौ र छैटौं तथा ११ औं ओभरको पहिलो बलमा विकेट लिदै ह्याट्रिक पुरा गरेकी थिइन् । यो विश्व टि ट्वान्टी वोमनमा हालसम्मकै सर्वोउत्कृष्ट प्रर्दशन हो । यस अघि मलेसियाकी मास अलिसाले ४ ओभरमा १ मेडन सहित ३ रन खर्चेर ६ विकेट लिइकी थिइन् । करुणा भण्डारीले २ विकेट हात पारिन् ।