निर्वाचन बहिस्कारमा गिरफ्तार परेका नेताहरुलाई रिहा गर्न माग

मंसिर १२,

Advertisement

ग्लोबल आवाज

बुटवल । उपनिर्वाचन बहिस्कार आन्दोलनको क्रममा गिरफ्तार गरिएका नेताहरुलाई रिहा गर्न नेकपा क्रान्तिकारी माओवादी प्रदेश ५ बुटवलले माग गरेको छ । मंसिर १४ गते हुने उपनिर्वाचन बहिस्कार आन्दोलनको क्रममा प्रहरीले बाँके जिल्लाको कोहलपुरबाट नेकपा (क्रान्तिकारी माओवादी) का पीवीएम भुपेन्द्र न्यौपाने,केस तेजविक्रम शाही, बाँके सेक्रेटरी प्रेम थापा, बर्दिया सेक्रेटरी कमल रोकाया, देजमो नेपालका केन्द्रीय सदस्य सुरेश ओली, हृदेश शाही, भीमबहादुर सिंहलाई गिरफ्तार गरेको हो ।

नेकपा क्रान्तिकारी माओवादी र देशभक्त जनगणतान्त्रिक मोर्चा, नेपाल प्रदेश ५ बुटवलले आज छुट्टा–छुट्टै वक्तव्य जारी गरी गिरफ्तार नेताहरुको रिहाईको माग गरेको हो । पार्टीका प्रदेश सचिव प्रमोद र देजमो, नेपालका प्रदेश अध्यक्ष केवी गुरुङले शान्तिपूर्ण कार्यक्रममा भएको प्रहरी हस्तक्षेप र गिरफ्तारीलाई वर्तमान सरकारको निरंकुश र फासिवादी कदमको संज्ञा दिंदै घोर विरोध एवम् भत्र्सना गरेका छन् । नेता कार्यकर्ताहरुलाई अविलम्ब रिहाइ नगरीए उत्पन्न परिणामप्रति राज्य जवाफदेही हुने चेतावानी समेत वक्तव्यमार्फत दिएका छन् ।