२ जेष्ठ २०७९, सोमबार

May 16, 2022

मंसिर ९,

Advertisement

नेपालगञ्ज। प्रदेश ५ मा धेरै खेती हुने जिल्लामध्ये अग्रपङ्क्तिमा आउने बाँके र बर्दियाका किसान पछिल्लो समयमा आएर अत्याधुनिक प्रविधितर्फ बढी आकर्षित हुन थालेका छन् । किसान पछिल्ला दिनमा अत्याधुनिक प्रविधितर्फ आकर्षित हँुदै गएको कृषि ज्ञान केन्द्र नेपालगञ्जका प्रमुख सागर ढकालले बताउनुभयो ।केही समय अगाडिसम्म किसानद्वारा गहुँमा थ्रेसरको प्रयोगलाई अत्याधिक रुचाइएको जनाउँदै उहाँले तर अहिले त्योभन्दा पनि अब्बल प्रविधिको धमाधम प्रयोग भइरहेको बताउनुभयो । धान र गहुँमा मात्र होइन, अन्य खेतीपातीमा पनि अत्याधुनिक प्रविधिको प्रयोग भइरहेको प्रमुख ढकालको भनाइ छ ।

बाँके र बर्दियाका धेरै किसानले यसपटक धान काट्ने, झाँट्ने काम पहिलेभन्दा फरक तरिकाले गरेका छन् । किसानले यसपटक दिनहुँ मान्छे लगाएर धान काटेनन् भने मान्छेले झाँट्नु पनि परेन । कम्बाइन हारवेस्टर मेसिनको प्रयोगले चार दिन लाग्ने सबै काम केहीबेरमै सिध्याइदिएको कृषि ज्ञान केन्द्रले जनाएको छ ।बाँके र बर्दिया जिल्लाका दर्जनौँ ठाउँमा कम्बाइन हारवेस्टर नामक अत्याधुनिक मेसिनबाट धान काट्ने र त्यसको व्यवस्थापन गर्ने काम धमाधम भइरहेको सो कार्यालयको भनाइ छ । बाँके नौबस्ताका किसान राजेन्द्र चौधरीले अहिले त अत्याधुनिक प्रविधिले सबै कामलाई निकै सहज र सरल बनाइदिएको बताउनुभयो । उहाँले कम्बाइन हारवेस्टरको प्रयोग गरेर आफूहरू दङ्ग परेको बताउनुभयो ।


सोही प्रकारले बाँकेको कम्दीका अधिकांश किसानले पनि कम्बाइन हारवेस्टरलगायत अन्य अत्याधुनिक प्रविधिको प्रयोग गरिरहेको किसान रामप्रसाद बर्माले बताउनुभयो । उहाँले प्रविधिको प्रयोगले खेतीमा निकै सहज भएको जनाउनुभयो ।सोही प्रकारले बर्दियाको गुलरिया नगरपालिका खैरापुरका अधिकांश कृषकले पनि यसपटक धान काट्ने, झाँट्ने काम फरक तरिकाले गरेको स्थानीय किसान दिलबहादुर थारूले बताउनुभयो । पहिला जस्तो दुःख छैन अहिले । मेसिनले नै सबै काम एकदम कम समयमा नै गर्दिन्छ, समय र पैसा दुवैको बचत भएको छ, किसान थारूले भन्नुभयो । बाँसगढी नगरपालिका बबई चेपाङका झुपलाल न्यौपानेले पनि बबई नदीको किनारमा आधुनिक प्रविधि अपनाएर १५ बिघा क्षेत्रफलमा व्यावसायिक केरा खेती गर्नुभएको छ । १५ बिघामा थोपा सिँचाइ प्रविधि जडान गरेर गरिएको केरा खेती निकै फस्टाएको छ ।१० कट्ठ क्षेत्रफलबाट सुरु गरिएको व्यवसाय बढेर १५ बिघासम्म पुगेको छ । – सिराज खान /गोरखापत्र अनलाइन

प्रतिकृया दिनुहोस्

Flash News

पहिलो टी-२० मा युगान्डासँग नेपाल १२ रनले पराजित संसदको भोलिबाट ११औँ अधिवेशन सुरु हुने, यस्तो छ कार्यसूची ओलीले राम नेपालमा जन्मेको दाबी गरिरहँदा मोदीले भने– भारतमा भव्य राम मन्दिर बन्दा नेपाली पनि उत्तिकै खुसी छन् २२ वर्षीय राजाबाबुले गाउँपालिका अध्यक्ष जिते मोदीको भ्रमणले लुम्बिनीलाई विश्वभर थप परिचित तुल्याउँछ : प्रम देउवा बुटवलमा खेलराज पाण्डेय बाबुराम भट्टराई भन्दा २१६३ मतले अघि छत्रदेव गाउँपालिकाको अध्यक्ष कांग्रेस र उपाध्यक्ष एमालेले जित्यो कतै १ भोट, कतै शून्य तिलोत्तमामा चापागाईँ खाँण भन्दा ८ मतले अघि चुनाव चिन्ह दाङमा दुई पालिकाका र ३९ वडाको नतिजा सार्वजनिक भक्तपुरमा नेमकिपाको ‘क्लिन स्विप’ विजयी उत्सव मनाउन आउँदै गरेको गाडीमा करेन्ट लागेर मृत्यु हुनेको सनाखत एमालेले सत्ता गठबन्धनमाथि लगाएको आरोपप्रति कांग्रेसको आपत्ति, ‘नतिजाले एमाले अत्तालियो’ भारतीय प्रधानमन्त्री माेदीकाे भ्रमणले लुम्बिनी क्षेत्रका बजार बन्द देउवा र मोदीद्वारा संयुक्त रुपमा ‘बुद्धिस्ट कल्चर एण्ड हेरिटेज सेन्टर’ को शिलान्यास शुद्धोधन गाउँपालिका–४ को वडाध्यक्षमा कांग्रेसका अधिकारी विजयी विजयी उत्सव मनाउन आउँदै गरेको गाडीमा करेन्ट लागेर २ जनाको मृत्यु स्थापितभन्दा बालेन २८७५ मतले अगाडि गोरखामा एमाले उम्मेदवार १ मतअन्तरले विजयी भएपछि तनाव, सर्वदलीय बैठक बस्दै