१९ असार २०७९, आईतवार

Jul 3, 2022

बुटवल । स्थानीय तह निर्वाचन–२०७९ को मनोनयनदेखि चर्चामा आएकी बुटवलकी भगवती पाण्डेले प्रतिष्पर्धामा पछि परेपनि धेरै बुटवलबासीको मतसँगै मन जितेको बताएकी छन् । मत गणना सकिएसँगै नतिजा सार्वजनिक भएपछि ग्लोबल आवाजलाई प्रतिक्रिया दिँदै उनले सो कुरा बताएकी हुन् । राष्ट्रिय प्रजातन्त्र पार्टी (राप्रपा) तर्फबाट बुटवल उपमहानरको उपप्रमुखमा उम्मेद्वारी दिई चुनावी प्रतिष्पर्धामा होमिएकी २५ वर्षीया पाण्डेले ६ हजार ८ सय २० मत प्राप्त गरेकी छन् ।

Advertisement

जम्मा ६२ हजार १ सय १ मत खसेको बुटवलमा उपप्रमुखका लागि ९ जना प्रतिष्पर्धी थिए । विजेता नेकपा एमालेकी उम्मेद्वार सावित्रा अर्यालले २५ हजार ६१ मत प्राप्त गरिन् । उनका प्रतिष्पर्धी ५ दलीय गठबन्धनबाट एकीकृत समाजवादीका चिन बहादुर गुरुङले १७ हजार २३ मत प्राप्त गरेका छन् । पाण्डे राजनीतिमा छोटो र कम अनुभव रहेकी युवा नेतृ हुन् ।

तर, उनको उम्मेद्वारी उनलाई मात्रै होइन ठूला दल र तीनका प्रतिनिधिलाई पनि चूनौती थियो । राजनीति र नेतृत्वमा युवा सहभागिताको सवाल र पछिल्लो समयमा चर्चामा रहेको राप्रपाबाट उनको उम्मेद्वारी दुबै उनका लागि आशाकाआधार थिए । त्यसैगरी उनको व्यक्तित्व पनि नेतृत्वका लागि अर्को आधार थियो । नेतृत्व सवल हुनुपर्छ, भ्रष्टाचार गर्नु हुँदैन भन्ने मान्यता रहेको पार्टी र सोही पार्टीकी नेतृ उनी आँफै स्वावलम्बी तथा उद्यमी हुन् ।

प्रतिष्पर्धामा तेस्रो स्थान हासिल गरेकी पाण्डे आफू सफल भएको दावी गर्छिन् । ‘ राजनीतिमा धेरै अनुभव भएका ठूला दलका प्रतिनिधिहरु हुनुहुन्थ्यो, अझै उहाँहरु गठबन्धनबाट पनि हुनुहुन्थ्यो , ठूला दल, शिर्ष धेरै दलको गठबन्धनसँग एकल प्रतिष्पर्धा आँफैमा चूनौती हो । मलाई विश्वास गरेर पार्टीले अगाडि सारेपछि मैले हिम्मतका साथ चुनावमा प्रतिष्पर्धा गरे । मैले पाएको मतले भन्छ विजेता नै नभएपनि पराजित भने होइन । बुटवलका ६ हजार बढीले मत दिनुभयो , हजारौंले मन दिनु भएको छ , उहाँहरुले अर्कोपटक मत पनि दिनुहुन्छ ।’

‘निर्वाचनमा पछि परेपनि बुटवलका सरोकारका विषय र आफ्ना एजेण्डामा भनेपछि नपर्ने उनी बताउँछिन् । म बुटवलकी चेली हुँ, यहाँको माटो,हावापानी, दाजुभाई,बुवा–आमा सबै र सबैसँग मेरो आत्मीय र भावानात्मक सम्बन्ध छ। म चुनावी नतिजामा पछि परेपनि मेरो भूमिका र एजेण्डामा अडिग छु । निर्वाचित प्रतिनिधि र स्थानीय सरकारलाई खबरदारी गर्दै राम्रा कामको सिको गर्दै अगाडि बढ्ने छु । स्थानीय तथा बुटवलबासीको माझमै रहेर व्यक्तिगत तथा पार्टीको तर्फबाट गर्न सक्ने योग्दान गर्ने छु ।’

सम्पन्न स्थानीय तहको निर्वाचन र मतपरिणमले आफूमा थप उत्साह र प्रेरणा जागेको पाण्डे बताउँछिन् । उनी भन्छिन् ‘यस चुनावले मलाई धेरै सिक्ने, मतदाताको घरमा पुग्ने, थप बुझ्न अवसर मिल्यो । अझै भनौं भने अनुभवी नेता तथा नेतृहरुसँगको प्रतिष्पर्धा, जनताको मत र प्रतिक्रियाले निकै उत्साह र प्रेरणा मिलेको छ । उहाँहरुको विश्वास र आशालाई सम्मान गर्दै आगामी दिनमा अगाडि बढ्ने छु । मलाई निर्वाचनमा सहभागि हुनदेखि अत्यधिक मत प्राप्त गर्न र धेरैको मन जित्ने अवस्थासम्म साथ दिनुहुने सम्पूर्णमा हार्दिक आभारसहित धन्यवाद दिन चाहान्छु ।’

प्रतिकृया दिनुहोस्

Flash News

अढाई करोडका सिन्काले दाँत कोट्याउँछन् नेपाली ! पौडी खेल्ने क्रममा दुई भारतीय नागरिकको मृत्यु तत्कालीन नेकपाका बहुमत सदस्यको भेटवार्ता, के भयो कुराकानी ? सरसफाइका लागि कठोर नीति ल्याउँदै तुलसीपुर चट्याङ लागेर ३ बाख्रा र एक भैंसी मरे, एक महिला घाइते जन्ती हिँडेको ट्याक्टर दुर्घटना, १ जनाको मृत्यु फूलहरूलाई के हिउँद, के बर्खा (फोटोफिचर) बुटवल मण्डपको नाम फेर्ने उपमहानगरको निर्णयप्रति व्यवसायिक संघ-संस्थाहरुको असहमति, फिर्ता लिन माग तुलसीपुरका पानी मुहान क्षेत्रमा चुनढुगा उत्खननको तयारी, खानेपानी संस्थाको बिरोध एमालेभित्रको अन्तर्घात छानबिन गर्न कार्यदल तिलोत्तमालाई युवामैत्री स्थानीय शासन घोषणा गर्न प्रतिबद्धता छोरी भएर जन्मिनु विडम्बना हो ! अर्थ मन्त्रालयले लुकायो बजेट भाषणको अघिल्लो दिनको सीसीटीभी फुटेज हस्ताक्षर किर्ते गरी छ्यालिस लाख रुपियाँ अपचलन गर्ने कर्मचारी पक्राउ पन्ध्र प्रतिशत दलित बालबालिका विद्यालयको पहुँच बाहिर पत्रकार पन्थीको ‘अन्ट्रान्सलेटेबल’ विश्वका १२ देशमा अमेजनमार्फत हार्डकभर र पेपरब्याकमा विपद्बाट हुने क्षति न्यूनिकरण गर देशको आर्थिक अवस्था गम्भीर संकटमा : प्रचण्ड सेयर बजारमा हरियाली बुटवलमा साइन्स-म्याथ ओलम्पियाड, कान्ति माविका शिशिर प्रथम