बुटवल । पत्रकार कपिल ज्ञवाली ‘सहकारी पत्रकारिता पुरस्कार’ बाट सम्मानित भएका छन् ।
६५ औँ राष्ट्रिय सहकारी दिवस–२०७८ को अवसरमा शुक्रबार रुपन्देही बचत तथा ऋण सहकारी संघले पत्रकार ज्ञवालीलाई नगद १० हजार सहित सम्मानित गरेको हो । सहकारी सम्बन्धी उत्कृष्ट लेख रचना प्रकाशित गरी सहकारी क्षेत्रको प्रवद्र्धनमा उल्लेखनीय भूमिका निर्वाह गरेको भन्दै पत्रकार ज्ञवाली सम्मानित भएका हुन् ।
नेपाल पत्रकार महासंघ रुपन्देहीको सहकार्यमा स्थापित सो पुरस्कार रुपन्देही बचत तथा ऋण सहकारी संघले सहकारी दिवसको अवसरमा प्रत्येक वर्ष रुपन्देहीमा क्रियाशिल पत्रकारलाई पदान गर्दै आएको छ । पत्रकार ज्ञवाली नागरिक अनलाइनका सम्पादक तथा बुद्ध सामुदायिक टेलिभिजनका समाचार प्रमुख हुन् ।
प्रतिक्रिया