१२ जेष्ठ २०७९, बिहीबार

May 26, 2022

बुटवल । रुपन्देहीको सैनामैनाका कृषकहरु गड्यौली मल उत्पादनतर्फ आकर्षित भएका छन् । अर्गानिक मल उत्पादनलाई नगरपालिकाले समेत प्राथमिकता दिन थालेपछि यसतर्फ आकर्षण बढेको हो ।

Advertisement

सैनामैना–८ का स्थानीय गुणानिधि अधिकारीले गड्यौली मल उत्पादन गरी बिक्री गर्न थालेपछि यसैको सिको गर्दै मल उत्पादनमा लाग्ने कृषकको संख्या करिब २ दर्जन पुगेको छ । ४ वर्ष अघि अध्ययन भ्रमणका क्रममा भारतको तमिलनाडुमा रहेको एक कृषि फर्ममा देखेको कुरालाई प्रयोग गरेका अधिकारीले यसको व्यवसायिक सम्भावना प्रवल रहेको उल्लेख गर्छन् ।

व्यवस्थित खाल्डो बनाएर उक्त खाल्डोमा गोबर, पराल तथा अन्य पातपतिङ्गर हालेर गड्यौलालाई खुवाएर तयार पारिने मललाई गड्यौली मल भनिन्छ । आफूले देखेको सीपलाई नेपालमा प्रयोग गर्दा सफलभएपछि यसतर्फ अन्य कृषकहरु पनि आकर्षित हुने गरेको उनी बताउँछन् । सुरुमा करिब ७० हजार लगानी गरी आफ्नै खेतमा ३ वटा सिमेन्टको पक्की खाल्डो बनाएर मल उत्पादनका लागेका अधिकारले वार्षिक २० क्वीन्टल मल उत्पादन गर्ने गरेको बताउँछन् ।

सैनामैना नगरपालिकाको आर्थिक सहयोगमा थप ३ वटा प्लाष्टिकको खाल्डो बनाएर मल उत्पादनमा लगोका छन् । ‘सुरुमा यसरी मल उत्पादन गर्दा गाउँलेहरुले मलाई पागल हुन लागेको भनेर जिस्क्याउने पनि गरे ।’– चार वर्ष अघिको कुरा सुनाउँदै उनले भने, ‘गड्यौलालाई मल खुवाएर कसरी मल उत्पादन हुन्छ ? भन्ने गाउँलेका जिज्ञासासँगै आफूलाई पनि केही नयाँ गर्ने सोचले यसको महत्व बारे बुझाउन सफल भएको छु ।’ सङ्जाबाट २ कलिो गड्यौला किनेर मल उत्पादनमा लागेका उनले अन्य कृषकको पनि साथ पाउने भएपछि यसलाई थप व्यवस्थित बनाएर योजना बनाएका छन् ।

यसैगरी सोही ठाउँका अर्का कृषक सागर लम्सालले पनि गड्यौली मल उत्पादनमा लागेका छन् । यसको व्यवसायीक उत्पादन गरी कृषकहरुलाई यसको फाइदाका बारेमा जानकारी गराउन सकेमा सफल हुने देखेपछि यसतर्फ आकर्षित भएको उनले बताए ।
सैनामैना नगरपालिका, सेतोगुँरास लगाएतका संघ–संस्थाहरुको सहयोगमा आवश्यक तालिम लिएर ८ वडा खाल्डो तयार पारी उनले मल उत्पादन गरीरहेका छन् । भविष्यमा एग्रो टूरिजम रिसोर्ट सञ्चालन गर्ने लक्ष्य रहेको बताउँदै उनले अर्गानिक खेतीका लागि गौड्यौली मल उत्तम रहेको उल्लेख गरे।

६ महिनाअघिदेखि उत्पादन भएको मल आफ्नै खेत बारेमा प्रयोग गर्दै आएका उनले अब भने व्यवसिक रुपमै यसको उत्पादन गरी विक्रि गर्ने योजना बनाएका छन् । सैनामैनामा गड्यौली मल उत्पदान गर्ने कृषकहरुको समूह गठन गरी नगरपालिकाले वितरण गर्ने रासायनिक मलसँगै आफूहरु उत्पादन गरेको मललाई समेत प्राथमिकता दिनु पर्ने उनीहरु बताउँछन् । सैनामैना नगरपालिकाले उनीहरुले उत्पादन गरेका मल विक्रिका लागि बजार उपब्ध गराउन सहयोग गर्ने भएपछि थप सम्भावना बढेर गएको कृषकहरुको भनाई छ ।

प्रशस्त मात्रामा गड्यौली मल उत्पादन गर्न सकेमा यसको ब्यवसायिक रुपमा बजारीकरण गरी आयआर्जन गर्न सकिने बताउँदै सैनामैनाका नगरप्रमुख चित्रबहादुर कार्कीले यसका लागि नगरपालिका तयार रहेको उल्लेख गरे । कृषिको औजारिकरण र आधुनिकीकरणसँगै अर्गानिक उत्पादनलाई समेत जोड दिँदै कृषकहरुलाई आवश्यक अनुदान, सीप तथा क्षमता बिकासका साथै उत्पादनको बजार सुनिश्चितताका लागि काम भइरहेको उनले बताए ।

बिस्तारै रासायनिक मलको प्रयोगलाई कम गर्दै जानु पर्ने सैनामैनाका कृषि शाखा प्रमुख सिर्जना खनाल सुबेदीले बताउँछन् । रासायनि मल र विषादीको प्रयोगले मानव स्वास्थ्यमा नकारत्मक असर पुर्याउने भएकाले स्वास्वास्थ्यका हिसाबले पनि गड्यौली मलको महत्व बढ्दै गएको उनले बताए ।

केही दिन अघि सैनामैनाका ३० जनालाई गड्यौली मल उत्पादन तथा बजारीकरण सम्बन्धी २ दिने स्थलगत तालिम समेत सञ्चालन गरिएको छ । गड्यौली मलको हाल बजार मुल्य प्रतिकिलो ५० रुपैयाँ रहेको छ । उत्पादित मलको मूल्य समायोजन तथा यसलाई वैधानिक मान्यता प्राप्त हुने हो भने थप सहज हुने मल उत्पादनकहरुको भनाई छ । यसैगरी उत्पादित मलमा प्राप्त हुने तत्वहरु, खेती तथा स्वास्थ्यमा हुने फाइदा लगाएतका प्राविधिक ज्ञान कृषकहरुलाई जानकारी गराउनका लागि सरकारले सहयोग गर्नुपर्ने उनीहरुले बताएका छन् ।

प्रतिकृया दिनुहोस्

Flash News

ओलीले नीति तथा कार्यक्रममा लिम्पियाधुरा, लिपुलेक खोजेपछि प्रकाशमानले दिए जवाफ निर्वाचन शान्तिपूर्ण र धाँधलीरहित सम्पन्न भाे: झलनाथ शुक्रबारबाट क्यूएफएक्ससहित देशभरका हलमा ‘कबड्डी-४’ सत्तारुढ गठबन्धनले नेपालको स्वतन्त्र र असंलग्नता परराष्ट्र नीति परित्याग गरेको हो : रावल दश महिनामा एक अर्ब २१ करोडको फेसमास्क नेपाल भित्रियो इपीजी प्रतिवेदन बुझ्न प्रधानमन्त्री देउवालाई ओलीको आग्रह विद्यालय जाँदै गरेकी बालिकामाथि बलात्कार प्रयास वाइडबडी र सुनकाण्ड छानबिन गर्न सरकारलाई ओलीको चुनौती आगोले जलेकी विरामीलाई छाडेर फर्कियो बुद्ध एयर, चर्को आलोचनापछि प्रस्टीकरण हवाइजहाजको टिकट पाउन पनि शक्ति केन्द्रको भर ३५ हजार ३४ जनप्रतिनिधि निर्वाचित, कुन दलले कति जिते ? परराष्ट्र नीतिलाई असन्तुलित र सत्ता स्वार्थमा संकुचित गरिएकाे ओली आराेप एमाले सत्यसँग लड्दैन, शक्तिसँग झुक्दैन : ओली विश्वव्यापी मन्दी आउन सक्ने विश्व बैंकको चेतावनी सरकारको नीति तथा कार्यक्रम चास्नीमा नडुबाएको जेरी जस्तो : ओली त्रिवि शिक्षण अस्पतालमा एमबीबीएसमा भर्ना गरिदिन्छु भन्दै १७ लाख ठगी विदेश पठाई दिन्छु भनि २५ लाख ठगी गर्ने एक जना पक्राउ निर्वाचनमा प्रतिपक्षी दलमाथि सरकार निर्मम ढंगले प्रस्तुत भएको ओलीको आरोप अस्वस्थ भएपछि ओलीले प्रतिनिधिसभामा बसेरै गरे सम्बाेधन प्युठानमा साइकल दुर्घटना हुँदा एक जनाको मृत्यु