३० श्रावण २०७९, सोमबार

Aug 15, 2022

बुटवल । चीनका सियानमा हुने एसिया र युरोप स्तरीय युवा चित्रकला प्रदर्शनीमा बुटवलका विद्यार्थीहरुले कोरेका चित्रकलालाई पनि सहभागी गराइने भएको छ । बुटवल उपमहानगरपालिकाको भगिनी सम्बन्ध रहेको चिनको सियान सहरमा आगामी अक्टूबरमा हुन लागेको विश्वस्तरको चित्रकला प्रदर्शनीमा बुटवलका विद्यार्थीहरु पनि सहभागि हुन पाउने भएका हुन् ।

Advertisement

बुटवलबाट छानिएका पाँचवटा चित्रलाई सियान सिटीमा पठाइसकिएको बुटवलका प्रमुख शिवराज सुवेदीले जानकारी दिए । यूरोप र एसियाका विभिन्न मुलुकका ९ देखि १५ वर्ष उमेर समूहका विद्यार्थीहरुले कोरेका चित्रहरुको प्रर्दशनी हुँदैछन् । ‘यो संसारलाई हेर्ने मेरो नजर र संसारमा चिनाउने मेरो नेपाल’ भन्ने सोंचका आधारमा विद्यार्थीहरुले आ–आफ्ना विद्यालयमा चित्र कोरेका थिए ।

बुटवलका विद्यालयहरुबाट आन्तरिक प्रतिस्पर्धा गराई उत्कृष्ट भएका चित्रहरुलाई विज्ञहरुको मूल्यांकनका आधारमा छनौट गरि पाँचवटा चित्रलाई आयोजक सियान सिटीमा पठाइएको विदेश विभाग हेर्ने उपमहानगरका वरिष्ठ अधिकृत दिलबहादुर श्रेष्ठले जानकारी दिए । चित्रकला प्रदर्शनीमा विद्यार्थीलाई भौतिक रुपमा सहभागी गराउने नगराउने भन्ने विषयमा भने अझै टुंगो नभएको र आयोजकले पनि यसबारेमा अझै निधो नदिएको श्रेष्ठको भनाइ छ ।

बुटवल स्थित दीप बोर्डिङ स्कुलका कृष राना, कान्ति माविका प्रज्ववल पन्थी, न्यू होराइजन माविका आयशा थापा तथा कालिका मानवज्ञान माविका राजन न्यौपाने र नयाँगाउँ माविका पूर्णबहादुर थापाले कोरेको चित्रकलालाई क्रमश उत्कृष्टताका आधारमा छनौट गरिएको उपमहानगरका शिक्षा शाखाका प्रमुख टिकाराम पन्थीले जानकारी दिए ।

बुटवलका विभिन्न विद्यालयबाट कोरेर पठाइएका चित्रहरुलाई विज्ञ शान्ताराम गिरी, कृष्ण मल्ल र टिकाराम पन्थी सम्मिलित समितिले मूल्यांकन गरि उत्कृष्ट पाँचवटालाई मात्र छनौट गरेर उपमहानगरमा सिफारिस गरेको थियो ।

विश्वमा मित्रवत् सम्बन्ध बढाउने प्रदर्शनी
चीनको सांघाई को–अपरेशन अर्गनाइजेशनको आयोजना आगामी अक्टूबरमा हुने उक्त कार्यक्रम युरोप र एसियाका विशिष्ट अधिकारीहरु सहभागी हुनेछन् । यसलाई आयोजकले एक उच्च प्रकारको खुला स्तरको प्रदर्शनी भनेका छन् । विश्वका प्रमुख सहरहरुका बीचमा रहेको मित्रवत् सम्बन्धलाई अझ प्रगाढ बनाउने, त्यहाँका रिती, रिवाज, संस्कृति र परम्पराका माध्यमबाट संसारमा सद्भाव बढाउने सोंचले कार्यक्रमको आयोजना गरिएको सियान सिटीका अधिकारीहरुले बताएका छन् ।

बुटवलका विद्यार्थीहरुले कोरेको चित्रमार्फत यहाँको मात्र नभइ समग्र नेपालको रिति-रिवाज, संस्कार, संस्कृति, धार्मिक सद्भावको अवस्थालाई चित्रमार्फत प्रदर्शन गर्न लागिएको बुटवल उपमहानगरका प्रमुख सुवेदीले बताए । युरोप र एसियाका धार्मिक सद्भाव, सांस्कृतिक सद्भाव र सम्बन्धलाई प्रगाढ बनाउने उद्देश्यले यसप्रकारको अन्तर्राष्ट्रिय कार्यक्रम गरिएको हो । समझदारी बढाउने, युवाहरुलाई संलग्न गराउने र उनीहरुमार्फत एक आपसमा सभ्यताको जानकारी लिने÷दिने छन् । बुटवल उपमहानगरपालिका र सियान सिटीका बीचमा केही वर्ष अघि भगिनी सम्बन्ध स्थापना भएको थियो ।

प्रतिकृया दिनुहोस्

Flash News

सुनको मूल्य ४०० रुपैयाँ घट्यो लुम्बिनी सरकारको आम्दानीः तलब भत्ता समेत पुग्दैन, कर्मचारी पाल्न ‘अरुको भर’ फलफूल र तरकारीको मूल्य : सबैभन्दा सस्तो सेतो मुला, महंगो किवी शुद्धोधन ३ मा सुकुम्बासी जग्गा नापजाँच सुरु २४ वर्षीया पुष्पा बुढाथोकी १ महिनादेखि सम्पर्कबिहीन भ्रष्टाचार र वंशवाद भारतका दुई शत्रु: माेदी साउनको अन्तिम सोमबार देवघाटमा भक्तजनको घुइँचो (फाेटाेफिचर) राप्रपा नेपालको केन्द्रिय समिती बैठक शुरु, प्रतिवेदनहरु प्रस्तुत हुदैँ कम्युनिष्ट पार्टी भन्ने बित्तिकै जनता डराउने अवस्था आयोः मन्त्री चौधरी मध्य भोटेकोशी जलविद्युत अझै १ करोड ५४ लाख रुपैयाँ नोक्सानमा श्रावणको अन्तिम सोमबार : शिवालयमा भक्तजनको भीड रुस्दीमाथि छुरा प्रहारः चुकिल लगाएर कोठाभित्रै बस्छन् आक्रमणकारीका बाबु कमल थापाले गरे राष्ट्रपति भण्डारीको निर्णयलाई स्वागत माओवादी स्थायी कमिटी बैठक दिउँसो १ बजे बस्दै ७५औँ स्वतन्त्रता दिवस मनाउँदै भारत रुपन्देहीमा अज्ञात समुहको गोली प्रहारबाट बिकास गुरुङ घाइते नागरिकता विधेयक : यस्तो छ अबको संसदीय प्रक्रिया बुटवलको सडकको अवस्थाः जनसरोकारको बिषय बुटवलमा आज बिहानैदेखि ७ घण्टा विद्युत अवरुद्ध हुने विवेकशील साझाको अध्यक्षमा समीक्षा बास्कोटा