१२ असार २०७९, आईतवार

Jun 26, 2022

गुल्मी । यहि भदौ ७ र ८ गतेका दिन पेरिसडाँडामा बसेको नेकपा मओवादी केन्द्र स्थाई कमिटीको बैठकले केन्द्र देखि जिल्ला तहसम्म जिम्मेवारी बाँडफाँड गरेको छ । सोही अनुरुप सो पार्टीको गुल्मी जिल्लाको इन्चार्जमा लक्ष्मण पन्तले जिम्मेवारी पाएका छन् । पन्त गुल्मी जिल्लाका पुराना कम्युनिष्ट हु्न । हाल भारत प्रवासी संगठनमा रहेका पन्तलाई त्यहाँबाट गृह जिल्लाकै नेतृत्व सम्हाल्न स्थाई कमिटीले जिम्मेवारी दिएको हो ।

Advertisement

गुल्मीको छत्रकोट गाउँपालिका–३ घर भएका पन्त २०३० साल देखि पुष्पलाल समुहबाट नेपालको कम्युनिष्ट आन्दोलनमा सक्रिय हुँदै आएका पुराना नेता हुन् । उनी २०३० सालमा भएको किशान आन्दोलनका क्रमममा सदरमुकाम तम्घासमा प्रहरीको कुटपिट दमनको शिकार भएका थिए । २०४० सालमा उनले नेकपा मशालको सदस्यता लिएका थिए । २०४७ मा नेकपा एकता केन्द्रको जिल्ला कमिटी सदस्य र अखिल भारत नेपाली एकता समाजमा केन्द्रिय उपाध्यक्ष भएका थिए ।

प्रवासी संगठनमा क्रियाशिल उनी २०५८ सालमा माओवादी निकट क्ष्क्षेत्रीय व्युरो सदस्यका रुपमा जिम्मेवारी सम्हालेका थिए । उनी त्यहाँबाट फर्केर २०६४ सालमा माओवादी पार्टी गुल्मीको ईञ्चार्जको जिम्मेवारी सम्हाल्दै त्यति बेलाको चुनाव सफल बनाउने बिशेष भुमिका खेलेका थिए ।

२०६९ सालमा भने उनी प्रचण्ड नेतृत्वको माओवादी संग फुट्दै बैद्य समहुको नेकपा (क्रान्तिकारी माओवादी) केन्द्रिय सदस्य भएका थिए । २०७२ सालमा उनी सोही पार्टीको पार्टीको सचिवालय सदस्य भएका थिए । त्यस यता उनी प्रचण्ड नेतृत्व कै संस्थापन पक्षमा फर्किए पछि उनी २०७३ सालमा माओवादी केन्द्रको सचिवालय सदस्य तथा अन्तराष्ट्रिय विभाग सह–इन्चार्जको जिम्मेवारी सम्हालेका थिए ।

२०७५ सालमा एमालेसंगको एकता पछि बनेको नेकपामा उनी केन्द्रिय सदस्य तथा प्रवास समन्व्य समितिको सह–इन्चार्ज र अन्तराष्ट्रिय विभाग सह–इन्चार्जको जिम्मेवारी समेत सम्हालेका थिए । २०७७ सालमा पुनः माओवादी केन्द्रको केन्द्रिय सचिवालय सदस्य तथा प्रवासको सोही जिम्मेवारीमा रहेका पन्तलाई पछिल्लो पटक पुनः गृह जिल्ला कै नेतृत्वमा खटाएको हो ।

माओवादी जनयुद्ध कालमा भारत प्रवासमा जनमत सिंर्जना गर्न र शिर्ष नेताहरुको सेल्टर ब्यवस्थापनमा महत्वपुर्ण भुमिका निभाउँने नेताका रुपमा पन्त चिनिन्छन् । बिकम अध्यान गरेका उनले माओवादी जनयुद्धताका भारतबाटै नेपाली आवाज र जनलहर पत्रिकाको प्रकाशक र सम्पादक गरेर त्यसको माध्यबाट पनि जनलहर सिर्जना गर्न उनको उत्तिकै भुमिका रहेको भारत प्रवासमा रहेका नेपालीहरु बताउँछन् । उनले यस अवधीमा पुस्तक लेखन पनि गरेका छन् ।

उनले ‘नेपालको आधुनिक इतिहास महत्वपूर्ण विषयहरुको समीक्षा’, ‘भारत नेपाल र छिमेक चार दशकका मुख्य घटना ’ लगायतका पुस्तक लेखन र नेपाली, अंग्रेजी र हिन्दी भाषामा नेपाल भारतका मुख्य धाराका काठमाडौ पोष्ट, नया पत्रिका, द वायरल गायतका लेखहरु पत्रपत्रिका र अनलाइनहरु प्रकाशित भएका छन् ।

प्रतिकृया दिनुहोस्

Flash News

शान्ति समाजद्वारा लागुऔषध दुर्व्यसनविरुद्ध सचेतना लुम्बिनीमा ४३ प्रतिशत भूमिमा खेती, ५० प्रतिशतमा मात्रै सिंचाई सुविधा विद्यालय गएका छात्र खोलामा मृत फेला धान दिवसको अवसरमा बुधबार सार्वजनिक बिदा दिने २७ किलो गाँजासहित दुई युवक पक्राउ सैनामैनामा ३ दिने अगरबत्ती बनाउने तालिम, आत्मनिर्भरका लागि टेवा पुर्याउने कटुवा पेस्तोलसहित भरतपुरबाट एक युवा पक्राउ प्रधानमन्त्री देउवाद्वारा मन्त्रिपरिषद् पुनर्गठन, यी हुन् थपिएका मन्त्री शिक्षाको बिकासका लागि सञ्चार सवलीकरणमा सरोकारवालाको जोड विदेशी कम्पनीलाई सुम्पिएको सम्झौता च्यातिनुपर्छः पूर्वसञ्चारमन्त्री बाँस्कोटा वामपन्थी दलहरुबीचको एकताका लागि चीनको सक्रियता, ओली र प्रचण्डसँग कुराकानी पश्चिमाञ्चल यातयात समितिका लोकराज महासंघको वरिष्ठ उपाध्यक्ष र लुम्बिनी संयोजकमा पाण्डे समृद्धिका लागि स्थानीय तहका जिम्मेवारी व्यापार संघद्वारा बुटवल मण्डपको नाम परिर्वतन गर्ने प्रस्ताव फिर्ता गर्न आग्रह कांग्रेस रुपन्देहीले जनप्रतिनिधिलाई प्रशिक्षण तथा बधाई दिने तिलोत्तमामा डुवान हुन नदिन पूर्व तयारी निजगढ विमानस्थल निर्माणमा विशेष प्रस्ताव पास गर्न रौतहटका स्थानीय तहका प्रमुखहरूसँगआग्रह रुपन्देहीको पूँजीगत खर्च २६‍.०५ प्रतिशत मात्र गणकपुरक संख्या नपुगेपछि संसद बैठक स्थगित विभिन्न स्थानमा तीन जना मृत अवस्थामा फेला