१ भाद्र २०७९, बुधबार

Aug 17, 2022

फाइल तस्विर

बुटवल । लुम्बिनी प्रदेशमा असार अन्तिम सातासम्म आइपुग्दा रोपाइँ अन्तिम चरणमा पुगेको छ । गत वर्षजस्तै यो वर्ष पनि मनसुनले साथ दिएपछि कृषकहरुले समयमै रोपाई सक्न लागेका हुन् । लुम्बिनी प्रदेश कृषि निर्देशनालय रुपन्देहीको तथ्याङ्क अनुसार आइतबारसम्म धान खेती हुने कूल क्षेत्रफलको ८६ दशमलव ७ प्रतिशत रोपाई सकिएको छ । गत वर्ष प्रदेशभरी धान खेती हुने क्षेत्रफल मध्ये ९४ दशमलव ८ प्रतिशत रोपाई भएको थियो ।

Advertisement

गत वर्षको तथ्याङ्कसँग तुलना गर्दा यो वर्ष रोपाई हुने क्षेत्रफलमा वृद्धि हुने देखिएको छ भने रोपाई पनि छिटो सकिने भएको छ । गत वर्षलाई आधार मान्ने हो भने प्रदेशमा ९१ दशमलव ४ प्रतिशत रोपाई सम्पन्न भइसकेको छ । प्रदेशभरी धान खेती हुने कुल ३ लाख ३४ हजार ६७५ हेक्टर क्षेत्रफल मध्ये २ लाख ९० हजार ११६ हेक्टर क्षेत्रफलमा रोपाई सकिएको हो । गत वर्ष लुम्बिनीका रोपाई हुने क्षेत्रफल मध्ये ३ लाख १७ हजार ४१५ हेक्टर क्षेत्रफलमा मात्रै धान लगाइएको थियो ।

नवलपरासीमा सतप्रतिशत रोपाई
पश्चिम नवलपरासीमा यो वर्ष सतप्रतिशत रोपाई भएको छ । कृषि निर्देशनालयले जारीको गरेको तथ्याङ्क अनुसार धान खेती हुने २३ हजार १७५ हेक्टर क्षेत्रफलमा रोपाई सकिएको छ । गत वर्ष २२ हजार ७ सय १२ हेक्टरमा रोपाई भएको जिल्लामा यो वर्षभने सतप्रतिशत रोपाई भएको हो ।

यसैगरी गत वर्षको तथ्याङ्कलाई आधार मान्ने हो भने बर्दियामा रोपाई सकिएको छ । धान रोपाई हुने क्षेत्रफलका आधारमा ९५ प्रतिशत रोपाई सकिएको जिल्लामा ५२ हजार ३५० हेक्टर क्षेत्रफलमा रोपाई गर्न सकिन्छ । गत वर्ष ४९ हजार ६३७ दशमलव ५ हेक्टरमा रोपाई भएको बर्दियमा यो वर्ष ४९ हजार ६३८ हेक्टरमा रोपाई सम्पन्न भइसकेको छ ।

लुम्बिनीको सबैभन्दा बढी धान खेती हुने जिल्ला कपिलवस्तुमा ८० प्रतिशत रोपाई सकिएको छ । जिल्लामा ५७ हजार २१४ हेक्टर क्षेत्रफलमा रोपाई सकिएको हो । गत वर्ष ६४ हजार ३५० हेक्टर क्षेत्रफलमा रोपाई भएको थियो । गत वर्षको तथ्याङ्कलाई आधार मान्ने हो भने जिल्लामा ८८ दशमलव ९ प्रतिशत रोपाई सकिएको छ । कुल ७१ हजार ५ सय क्षेत्रफलमा रोपाई हुने कपिलवस्तुमा गत वर्ष ९० प्रतिशत क्षेत्रफलमा मात्रै रोपाई भएको थियो ।

स्रोत: कृषि विकास निर्देशनालय रुपन्देही ।

रुपन्देहीमा २ प्रतिशत रोपाई बाँकी
धान खेती हुने प्रदेशको दोस्रो ठूलो जिल्ला रुपन्देहीमा रोपाई सम्पन्न हुने अवस्थामा पुगेको छ । गत वर्ष रोपाई भएको क्षेत्रफललाई आधार मान्ने हो भने अब २ प्रतिशत क्षेत्रफलमा मात्रै रोपाई हुन बाँकी रहेको तथ्याङ्क छ । कुल ६९ हजार ७०० हेक्टर क्षेत्रफलमा धान रोपाई गर्न सकिने रुपन्देहीमा गत वर्ष ६७ हजार ५५० हेक्टरमा मात्रै रोपाई भएको थियो । यो वर्ष ६६ हजार २१५ हेक्टर क्षेत्रफल अर्थात ९५ प्रतिशतमा रोपाई भइसकेको छ । गत वर्ष जिल्लामा ९६ दशमलव ९ प्रतिशत क्षेत्रफलमा मात्रै रोपाई भएको थियो ।

प्रदेशका धेरै धानखेती हुने जिल्ला मध्येकै दाङमा ८५ प्रतिशत रोपाई सकिएको छ । जिल्लामा गत वर्ष ९८ प्रतिशत क्षेत्रफलमा रोपाई भएको थियो । प्रदेश राजधानी समेत रहेको दाङमा ३८ हजार ७१० हेक्टर क्षेत्रफलमा धान खेती गर्न सकिने भए पनि गत वर्ष ३७ हजार ९३६ हेक्टर क्षेत्रफलमा मात्रै रोपाई भएको थियो । जिल्लामा हालसम्म ३२ हजार ९०३ दशमलव ५ हेक्टर क्षेत्रफलमा रोपाई सम्पन्न भइसकेको छ । यसैगरी तराईको जिल्ला बाँकेमा ८० प्रतिशत रोपाई भएको छ । साढे ३७ हजार हेक्टर क्षेत्रफलमा रोपाई गर्न सकिने यो जिल्लामा गत वर्ष ३५ हजार ६२५ हेक्टरमा मात्रै रोपाई भएको थियो । यो वर्ष ३० हजार हेक्टरमा रोपाई सकिएको छ ।

कृषि विकास निर्देशनालयले दिएको जानकारी अनुसार यो वर्ष पाल्पामा ७१ दशमलव २ प्रतिशत, अर्घाखाँचीमा ७९ प्रतिशत, गुल्मीमा ४८ प्रतिशत, रुकुम पुर्वमा ९० प्रतिशत, प्युठान र रोल्पामा ९५ प्रतिशत रोपाई सकिएका छन् ।

कृषि प्रविधिले रोपाई सहज बन्दै
कृषि विकास निर्देशनालयका वरिष्ठ बाली विज्ञ रामगोविन्द आर्याका अनुसार कृषि प्रविधिको प्रयोग तथा मौसमी सहजताले रोपाई सरल बन्दै गएको छ । विगत वर्षहरुको तुलनामा रोपाई सकिने क्रम छिटो हुनुको कारण समयमा वर्षा, सिञ्चाईको उपलब्धता, कृषि प्रविधि तथा आधुनिक औजारहरुको प्रयोग प्रमुख कारण भएको उनले बताए । यसैगरी कृषकहरुमा सचेतना बढ्दै गएकाले समयमै रोपाई गर्न सके उत्पादनमा वृद्धि हुन्छ भन्ने शिक्षाले काम गरेको पनि बताए ।

यो वर्ष रोपाई छिटो हुनुमा समयमै बीउ तथा मलखादको उपलब्धता पनि हो । यसैगरी पछिल्लो समय उन्नत जातको बीउ प्रयोग गरिने भएकाले रोपाई छिटो हुने गरेको छ । परम्परागत बीउको प्रयोग गर्दा ३५ देखि ४० दिनसम्मका बीउ प्रयोग गर्ने गरिएको उदाहरण सुनाउँदै वरिष्ठ बालिविज्ञ आर्याले उन्नत जातको बीउ १८ देखि २५ दिन भित्रै लगाउने गरिएको बताए ।

बालिविज्ञ आर्याका अनुसार गएका वर्षहरुमा जस्तो यो वर्ष मलखादको समेत अभाव नदेखिने भएको छ । कृषकहरुले रोपाई गर्नुपूर्व नै मलखाद भण्डारण गरेको राखेको तथा सरकारले समेत प्रयाप्त मात्रामा मलखाद उपलब्ध गराएको उनले बताए । रोपाईपछि बीच–बीचमा आवश्यक पर्ने मलखादका लागि समेत सरकारले तयारी अवस्थामा राखेको बताउँदै उनले विगत वर्षमा जस्तो समस्या नपर्ने उल्लेख गरे । मौसमले यही अवस्थामा साथ दिए, उत्पादनमा समेत १५ देखि २० प्रतिशतले वृद्धि उनले आर्याले जानकारी गराए ।

प्रतिकृया दिनुहोस्

Flash News

लुम्बिनी प्रादेशिक अस्पतालमा १५० शैय्याको नयाँ भवनबाट प्रसूति सेवा बन्दीलाई कारागारभित्रै अस्पताल मुख्यमन्त्री केजरीवालद्वारा ‘भारतलाई पहिलो बनाऔँ’ अभियान सुरु ‘पत्रकार कुट्ने’ परासीको पाल्हीनन्दन प्रमुखलाई कारवाहीको माग निर्वाचन सुरक्षा योजना बनाउन आयोगको निर्देशन अर्थमा चुक्यो लुम्बिनी सरकार नवलपरासीको विभिन्न स्थानबाट फरार ७ जना प्रतिवादी पक्राउ दार्चुलामा जीप दुर्घटना : पाँच जनाको मृत्यु, छ घाइते लुम्बिनी फोटो ग्राफर संघको सप्ताहव्यापी कार्यक्रम , ५० जनाले गरे रक्तदान लुम्बिनी सरकारले आफ्नाे सेवा सुविधा वृद्धिका लागि खुलायाे बाटाे, थप नियुक्तिका लागि अनुसूची हेरफेर चार महिनामा विपद्का घटनाले लियो १५७ जनाको ज्यान, ८५ करोडभन्दा बढीको आर्थिक क्षति लुम्बिनी अस्पतालको टेण्डर घोटाला : कागजातसहित ७ दिन भित्र उपस्थित हुन प्राधिकरणलाई निर्देशन कपिलबस्तुको सिद्धार्थ रिसोर्टमा तीज विशेष कार्यक्रम हुने, सहभागीलाई पुरस्कार ! महाअभियोग टुङ्गो लगाउने कार्यतालिका अर्को बैठकमा पेश हुने पुरुषहरू धेरै काम गर्छन् तर, महिलाहरूलाई फुर्सद कम हुन्छ निर्वाचन नजिकिएसँगै फेरि गृहजिल्ला जाँदै एमाले अध्यक्ष ओली नेपाल र बेलायतबीच स्वास्थ्य जनशक्ति पठाउनेसम्बन्धी श्रम समझदारीमा हस्ताक्षर हुने सन्तानको दीर्घायुको कामना गर्दै कुशको पूजा गरेर तीनछठी पर्व मनाइयो छुट्टाछुट्टै घटनामा बाँकेमा दुई जनाको मृत्यु दक्षिण कोरियामा एकैदिन एक लाख ८० हजार भन्दा बढी सङ्क्रमित