रुपन्देहीमा थपिए २७ संक्रमित, मृतकको संख्या शून्य

बुटवल । ​रुपन्देहीमा कोरोना संक्रमितको संख्या घट्ने क्रम जारी छ । स्वास्थ्य कार्यालय रुपन्देहीका अनुसार जिल्लामा पछिल्लो २४ घण्टाको अवधीमा २७ जनामा संक्रमण पुष्टि भएको छ भने २४ जना निको भएका छन् । १८७ जनाको नमुना परीक्षण गर्दा २७ जनामा संक्रमण देखिएको हो ।

स्वास्थ्य कार्यालय रुपन्देहीका अनुसार पछिल्लो २४ घण्टामा बुटवल महानगरपालिका र तिलाेत्तमा नगरपालिकामा ७/७ जना , बुटवल उपमहानगरपालिकामा ५, देबदह नगरपालिकामा ४, सैनामैना नगरपालिकामा ३ , ओमसितया गाउँपालिका र कञ्चन गाउँपालिकामा २/२ जना, सियारी र लुम्बिनी सास्कृतिक नगरपालिकामा १/१ जना संक्रमीत थपिएका छन् ।

​रुपन्देहीमा पछिल्लो २४ घण्टाको अवधीमा कोरोनाबाट कुनैपनि संक्रमितको ज्यान गएको छैन । जिल्लामा अहिलेसम्म जिल्लामा ४८२ जनाको ज्यान गईसकेको छ । जिल्लामा हाल कोरोनाका संक्रिय संक्रमितको संख्या २०३ रहेको छन् ।

Advertisement