ताजा अपडेट »

गुल्मेली चेलीद्वारा विपन्न गर्भवती महिलालाई सहयोग

शुक्रबार, ११ असार २०७८, २१ : ४७
4 Shares

बुटवल । गुल्मी स्थायी घर रुपन्देहीमा बस्दै आएका गुल्मेली महिलाहरुको समूह उद्यमशिल गुल्मेली चेली समूहले आर्थिक स्थित कमजोर भएकी एक गर्भवती महिलालाई सहयोग गरेको छ । बुटवल उपमहानगरपालिका वडा नं. ११ प्रगतिनगरकी सन्ध्या चौधरीलाई समुहले नगद १२ हजार सहयोग गरेको हो । समूहका सदस्यहरु ईश्वरी देवकोटा, विश्व देवकोटा, लक्ष्मी भटट्राई र सिर्जना अर्यालको टोलीले प्रगतिनगर महिला समुहकी कोषाध्यक्ष पार्वती परियारको रोहबरमा चौधरीलाई सहयोग गरेको हो ।

७ महिनाकी गभर्वती समेत रहेकी चौधरी आर्थिक स्थिति कमजोर भएपछि उपचारका लागि अस्पताल समेत जान सकेकी थिईन । नियमित गर्भजाँचका साथै दैनिकी गुजारा चलाउन सहज होस् भन्ने उद्देश्यले गुल्मेली चेलीहरुको समूहले चौधरीलाई सहयोग गरेको समुहकी सदस्य इश्वरी देवकोटाले बताइन् ।

चौधरीका श्रीमानको बैशाख २७ गते कोभिडका कारण मृत्यु भएपछि परिबार आर्थिक समस्याको चपेटामा परेको छ । दैनिक मजदुरी गरेर दैनिकी चलाउँदै आएका सन्ध्याका श्रीमान राजु चौधरीको मृत्यु भएपछि अहिले यो परिवारमा आर्थिक अवस्था कमजोर हुँदा दैनिक छाक टार्न समेत अप्ठयारो भएको छ ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।