६ जेष्ठ २०७९, शुक्रबार

May 20, 2022

गुल्मी । गुल्मीको चन्द्रकोट गाउँपालिका–४, शान्तिपुरको समाजिक क्षेत्रमा अग्रसर समाजसेवी थिए अशेष श्रेष्ठ। तर,दुर्भाग्य कोरोना संक्रमणले असार १ गते ४२ वर्षको उमेरमा शान्तिपुरको विकासका उनै प्रमुख सहयोगी साथी अशेष श्रेष्ठ गुमाउँदा शान्तिपुरका बासिन्दा लगाएत समाजसेवीहरु शोकाकुल बनेका छन् । उनी मात्र होइन उनका पिता–पुर्खासम्म सामाजिक क्षेत्रमा अग्रणी भूमिका खेल्ने विरासत बोकेको परिवार हो उनको । शान्तिपुर घर भएका गुल्मीका बरिष्ठ पत्रकार घनश्याम गौतमका अनुसार अशेषका हजुरबुवा मधुरा प्रसाद श्रेष्ठ र बाबु मिमलाल श्रेष्ठ शान्तिपुरको शैक्षिक क्षेत्रको विकासका खम्बा नै हुन् ।

Advertisement

शान्तिपुर उद्योग वाणिज्य संघका अध्यक्ष जीवनमान श्रेष्ठ भन्छन् -‘अशेष बाणिज्य संघको सदस्य मात्रै थिएनन् शान्तिपुरका गहना थिए। समाज सेवाको क्षेत्रमा एउटा सशक्त युवाको नाम थियो । उनलाई गुमाउनु पर्दा शान्तिपुरवासी शोकाकुल छौं ।’अध्यक्ष श्रेष्ठ थप्छन्–‘ जसरी पछिल्लो चरण युवा समाजसेवीका रुपमा अशेष जिल्लाभर चिनिए त्यसरी नै उनका पिता मिमलाल श्रेष्ठ र हजुरबुवा मथुराप्रसाद श्रेष्ठ जिल्लाभर चर्चित थिए ।’ पत्रकार गौतम भन्छन्–‘उति बेला अनिकालमा गरिब–विपन्नहरुको घरमा छाक अड्किदा ‘शान्तिपुरका साहुजी’ भनेर मथुरा प्रसाद र उनका छोरा मिमलाल श्रेष्ठलाई सम्झिथे । श्रेष्ठ परिवारले त्यस्ता परिवारलाई मन फुकाएर अन्न–पानी सहयोग गर्ने गर्दथे र उनका छोरा–नाती अशेष जिल्ला कै उदियामान समाजसेवी थिए ।’ चन्द्रकोट गाउँपालिका अध्यक्ष द्रोणबहादुर खत्रीले स्वर्गीय अशेष श्रेष्ठ परिवार समाज सेवाको क्षेत्रमा विरासत बोकेको परिवार भएको बताए।

अध्यक्ष खत्री भन्छन्–‘उदय माविको स्थापना गर्न अशेषको हजुर बुवा मथुराप्रसाद श्रेष्ठको अग्रणी भूमका रहेको बुढापाकाहरु बताउँछन्। उनले उदय मावि स्थापनाका लागि जग्गा दान गर्नुभयो । शान्तिपुर बसपार्कका लागि पनि उनले नै जग्गा दिनु भएको थियो । चन्द्रकोट क्याम्पस स्थापनाका लागि लगाईएको धान्याञ्चलमा उनको परिवारले हजुरबुवाका नाममा जग्गा सहित २० लाख दान गरे ।

यता सदरमुकाम तम्घासमा सामाजिक क्षेत्रका सबै अगुवाहरु अशेष श्रेष्ठलाई अल्पआयु मै गुमाएकोमा सामाजिक सञ्जालमा गहिरो पीडा ब्यक्त गरेका छन् । कोरोना पोजेटिभ देखा परेपछि उनलाई मृत्युको दुई हप्ता अघि काठमाण्डौं लगिएको थियो । तम्घास बसपार्क निवासी उनका निकटतम साथी सुनिल श्रेष्ठ भन्छन् –‘ मृत्युको केहिदिन अघि मात्रै मसंग फोनमा कुरा भएको थियो । कस्तो छ स्वास्थ्य अवस्था भनेर सोद्धा अशेषले मलाई ठिकै छ भन्दै थिए । तर, दुर्भाग्य चार दिन नबित्दै यस्तो दुःखद खबर सुन्नु पर्यो। ’उनको मृत्युले जिल्लाका सारा ब्यवसायीहरु शेकमा डुबेको गुल्मी उद्योग बाणिज्य संघका अध्यक्ष श्रीप्रसाद भलामीले बताए । शान्तिपुरमा क्रियाशिल उदय शान्ति युवा क्लवका सदस्य थिए अशेष श्रेष्ठ ।

त्यस क्लबका अध्यक्ष अर्जुन थापा भन्छन्–‘ यस क्लवको एउटा सशक्त साथी गुमाउँदा हामी भावविह्ल भएका छौं । उहाँ कुनै पोष्टमा बस्न नचाहने तर क्लबले आयोजना गर्ने चक्रेश्वर मेलादेखि हरेक कार्यक्रममा उनको भूमिका भने नेतृत्वदायी थियो ।’ मृतक अशेष श्रेष्ठका भाई अनुप श्रेष्ठका अनुसार उनीहरु दुई भाई र एक दिदी हुन् । घरमा मृतककी श्रीमती अम्बिका श्रेष्ठ र दुई छोराहरु रहेका छन् । मृतक अशेषका पिता मिमलाल श्रेष्ठ साविक शान्तिपुर गाविसका पूर्व गाविस अध्यक्ष हुन् । उनी गएको स्थानीय तहको निर्वाचनमा नेकपा एमालेबाट चन्द्रकोट गाउँपालिका अध्यक्ष पदका उमेदवार हुन् । उनी नेपाली कांग्रेसका उम्मेदवार द्रोणबहादुर खत्रीसंग झिनो मतले पराजित भएका थिए । स्वःश्रेष्ठ नेकपा एमाले निकट युवा संघका जिल्ला सदस्य र नेकपा एमालेका जिल्ला पार्टी कमिटीका पनि सदस्य थिए ।

प्रतिकृया दिनुहोस्

Flash News

घर फर्किए म्यादी प्रहरी उत्तर कोरियामा ‘ज्वरो’बाट २२ लाख प्रभावित मदन भण्डारी स्मृति यु–१४ लिटिल स्टार क्रिकेटको उपाधि बुटवल टाइगर्सलाई गठबन्धनलाई भारी मतले पछि पार्दै कलैया उपमहानगरमा एमाले विजयी तिलोत्तमामा गठबन्धनका खाँणलाई पछि पार्दै चापागाईं, उपप्रमुख चौधरीको फराकिलो मतान्तर कायम स्वस्थ जीवन जिउन उचित आहारमा ध्यान दिऔँ : लुम्बिनी प्रदेश प्रमुख शेरचन रुपन्देहीका ८ पालिकाका निर्वाचित जनप्रतिनिधिले लिए शपथ सैनामैनाका जनतालाई पूर्व मेयर कार्कीको प्रतिबद्धता-‘जनसेवामा जुट्न कुनै कुराले बाधा पुर्याउने छैन’ सैनामैना प्रमुखमा गठबन्धनका शर्मा, उप-प्रमुखमा एमालेकी राना रुपन्देहीको गैडहवा प्रमुख र उपप्रमुखमा एमाले विजयी लिटिल बर्ड्समा पुरस्कार वितरण तथा सांस्कृतिक कार्यक्रम एसिया कप छनोट: किरण पनि टिमबाहिर, चार खेलाडीलाई अवसर सम्मरीमाईमा अध्यक्ष र उपाध्यक्षमा कांग्रेस विजयी रुपन्देहीको मर्चवारी अध्यक्षमा कांग्रेस परित्याग गरेका बरई विजयी तिलोत्तमामा खाँण भन्दा चापागाईं १८६ मतले अगाडि ६५० पालिकामा नतिजा आयो, कांग्रेसलाई २९२ पालिका पाल्हीनन्दन गाउँपालिकामा पुनःमाओवादीका बैजुप्रसाद गुप्ता शपथ ग्रहणपछि सिद्धार्थनगरका मेयरकाे घाेषणा- आफूले पाएकाे मत बराबर वृक्षारोपण गर्छु भरतपुर महानगर अपडेट : रेनुलाई ३ हजार बढी मतान्तर, पछ्याउँदै सुवेदी छुट्टाछुट्टै सवारी दुर्घटनामा चार जनाको मृत्यु