July 26, 2021, Monday
११ श्रावण २०७८, सोमबार

बुटवलका संगीत प्रशिक्षक कालिकोटेको निधन

3.9K

बुटवल । संगीतकार एवम् संगीत शिक्षक दिपकसिंह कालिकोटेको निधन भएको छ । कालिकोटेको मस्तिष्क रोग (ब्रेन ह्यामर)बाट बुधबार राति दार्जिलिङमा निधन भएको उनलाई नजिकबाट चिनेका बुटवलका नारायण थापाले जानकारी दिए ।

२०५० सालमा दार्जिलिङ्गबाट बुटवलमा आएका कालिकोटेले २०५० सालमै बुटवलमा म्यूजिक स्कूलको खोली धेरैलाई संगीत सिकाएका थिए । कालिकोटेले हारमोनियम, तबला, किवोड र डमरु सेट बजाउने र सिकाउने समेत गथेँ । संगीतसँगै उनले लामो समय बुटवलको कान्ति बोर्डिङ्ग स्कूलमा अध्यापन समेत गराएका थिए । बुटवलका धेरै पुराना सङ्गीतकारहरू उनीसँग सङ्गीत सिकेका छन् ।बुटवलको म्यूजिक स्कूल बन्द गरेर कालिकोटेले काठमाडौँको लिटिल एन्जल्समा पनि म्यूजिक सिकाएका थिए । उनमा केही समय अगाडिदेखि प्यारालाईसेस भएपछि उनी घरमा नै आराम गरेर बसेका थिए।

बुटवलका संगितकार सुरेश सेन्चुरीले कालिकोटेको निधनमा दुःख व्यक्त गरेका छन् । सेन्चुरीले कालिकोटेको जन्म दाजिलिङमा भएतापनि बुटवलको संगीत क्षेत्रको विकासका लागि ठूलो योगदान रहेको बताए । उनको निधनमा सांगीतिक ब्याण्डहरुको समूह बुटवल रक्सका अध्यक्ष तथा चर्चित गायक बसन्त श्रेष्ठले पनि दुःख व्यक्त गरेका छन्। उनले बुटवलका धेरै पुराना सङ्गीतकारहरूले कालिकोटेबाट सङ्गीत सिकेको बताए । यस्तै श्रेष्ठले कालिकोटेको नेतृत्वमा पहिलो पटक ’दिपक बज्राचार्य’, सनुप पौडेल, (गायक/सङ्गीतकार), र अन्य राम्रा सङ्गीतकर्मीहरुसँग Backup Band मा सिक्ने अवसर समेत मिलेको बताएका छन् । साथै उनीबाट धेरै कुरा सक्ने र बुझ्ने अवसर मिलेको बताए।

पछिल्लो अपडेट