जनआस्था पृथ्वी क्लबद्वारा कञ्चनका बिपन्न घरपरिवारलाई राहत

कञ्चन । रुपन्देहीको कञ्चन गाउँपालिकामा स्थानीय जनआस्था पृथ्वी क्लबको सहजिकरणमा गरिव तथा विपन्न परिवारलाई राहत सामग्री वितरण भएको छ । वैदेशिक रोजगारमा रहेका विभिन्न व्यक्तिहरुबाट प्राप्त रकमबाट खाद्यान्न तथा स्वास्थ्य सुरक्षाका सामग्री वितरण गरिएको क्लबका अध्यक्ष उदय आले मगरले जानकारी दिए ।

क्बलले बेदैशिक रोजगारमा रहेका आफ्ना सदस्यहरुबाट प्राप्त रकमबाट राहत सामग्री खरिद गरी मँगलबारदेखि वितरण सुरु गरेको हो । क्लबले मँगलबार कञ्चनको वडा नम्बर ४ मा रहेका ४० घरपरिवारलाई चामल, नून, तेल लगायतका खाद्य सामग्रीसहित स्वास्थ्य सुरक्षाका सामग्री प्रदान गरेको छ । रोजगारीका क्रममा जापानमा रहेका नारायण थापा, नर बहादुर थापा, अस्ट्रेलियामा रहेका मेनुका रसाइली र साउदीमा रहेका सुनिल पुलामीको पहलमा राहतका लागि रकम संकलन भएको थियो ।

जेठ ३१ गतेसम्म गरिव तथा विपन्न परिवाहरुलाई राहत सामग्री वितरण गर्ने अभियानलाई कञ्चन–४ का अध्य दुर्गासिंह क्षेत्रीको उपस्थितीमा शुभारम्भ गरिएको थियो । स्थानीय समाजसेवी तथा निर्माण व्यबसायी डोल बहादुर थापा तथा क्लवका सचिव हिमाल थापाको उपस्थिती रहेको राहत वितरण कार्यक्रममा बिपन्न घरपरिवार र ज्याला मजदुरीमा निर्भर रही खानाको अभाव भएका कञ्चनका कुनै पनि बिपन्न परिवारहरुले सम्पर्क गरी राहत लिन आग्रह गरिएको छ ।