कोरोनाबाट कपिलवस्तुमा एक जनाको, ६ जनामा संक्रमण

कपिलवस्तु । केही दिन वाट दोस्रो चरणको कोरोना भाइरसको प्रकोप देशमा नै हवातै बढेको छ । कपिलवस्तुमा आइतबार कोरेना संक्रणबाट महाराजगजं नगरपालिका वडा नं ९ का ५५ वर्षिय पुरुषको उपचारको क्रममा भैरहवामा निधन भएको छ ।

उनी पुर्व वडा अध्यक्ष समेत हुन । भारतसँग सिमा जोडिएको कपिलवस्तु जिल्लामा दिनहुँ भारतबाट हजारौ संख्यामा आवाज जावत हुँदा भारतमा व्यापक रुपमा फैलिएको कोरोना नेपालमा पनि प्रवेश गरिसकेको छ । आइतबार पिस।सि आर परिक्षण गर्दा ६ जनामा पोजेटिभ भेटिएको छ । जसमा कपिलवस्तु नगरपालिकाका ३ जना , वाणगगा नगरपलिकामा २ र बुद्धभुमी नगरपालिका १ जना संक्रमित रहेको स्वास्थ्य कार्यालयका फोकल पर्सन उमेश घिमिरेले जानकारी दिएका छन् ।

हाटबजार, बजार व्यवयसायमा दैनिक जस्तो नै भिडभाड रहेको छ । स्वास्थ्यका मापदण्ड पालना भएका छैनन् । विना मास्क यातायात सवारी साधन, कार्यालय तथा सार्वजनीक तथा निजी व्यवसाय गरेको स्थानमा देख्न सकिन्छ । पर्यटकिय स्थलमा समेत भिडभाड रहेको छ । उता स्वास्थ्य कार्यालयका प्रमुख हेमराज पाण्डेका अनुसार प्रचार प्रसार लगायत संचारका काम भैरहेको बताए । स्वास्थ्यका मापदण्ड पालना गर्न मातहतका स्वास्थ्य चौकीहरुमा जनाकारी तथा सचेतना फैलाउन आग्रह गरिएको बताए ।

जिल्लामा शिवराज नगरपालिका र कपिलवस्तु नगरपालिकामा गरी २ वटा आइसोलेसन संचालन लाई नियमित गराइएको बताए । विद्यालयलाई पनि स्वास्थ्यका मापदण्ड पालना गर्न आग्रह गरिएको पाण्डेले बताए ।