April 20, 2021, Tuesday
७ बैशाख २०७८, मंगलवार

फर्साटिकर यज्ञोदयमा निर्वाचनको माहौल,खनाल र घिमिरे प्यानल बीच प्रतिष्पर्धा

1K

बुटवल । रुपन्देहीको शुद्धोधन गाउँपालिका ३ स्थित यज्ञोदय दुधनाथ थारु बहुमुखी क्याम्पसमा निर्वाचनको माहौल छाएको छ । क्याम्पसको १८ औँ क्याम्पस सभा सम्पन्न भएसँगै क्याम्पस सञ्चालक समितिको नयाँ नेतृत्वका लागि क्याम्पसमा चुनावी माहौल सिर्जना भएको हो । क्याम्पसको नयाँ नेतृत्वका लागि आगामी २१ गते शनिबार हुने अधिवेशनमा निर्वाचनका लागि प्यानल नै बनाएर नेपाली काङ्ग्रेस , एनेकपा माओबादी, जनता समाजबादी पार्टी , राष्ट्रिय जनमुक्ति पार्टी , राष्ट्रिय प्रजातन्त्र पार्टी मिलेर संयुक्त समावेशी र नेकपा एमालेको प्रगतिशिल गरि दुई प्यानल गर्दैछन् ।

एक जना अध्यक्ष ,उपाध्यक्ष , कोषाध्यक्ष ,१४ खुला सदस्य , १ महिला सदस्य , १ लेखा समिति संयोजक र २ लेखा समिति सदस्य का लागि हुने निर्वाचनमा प्रगतिशिल प्यानलबाट गोबिन्द घिमिरेको नेतृत्व र संयुक्त समावेशी प्यानलबाट रमेश खनालको नेतृत्व बीच चुनावी प्रतिष्पर्धा हुँदैछ हुने भएको हो ।

खनालको प्यानलमा उपाध्यक्ष ओम प्रकाश नाउ (ठाकुर) कोषाध्यक्ष रोमाकान्त अधिकारी छन् भने सदस्यहरुमा केशव प्रसाद अधिकारी ,अर्जुन कुमार थापा क्षेत्री , धनराज कंडेल (डि आर) , पल्टन थारु, बाबुराम खरेल, नन्द बहादुर क्षेत्री , राम प्रसाद पाण्डेय , बिजय बिक्रम टण्डन , शेर बहादुर क्षेत्री , पोषराज खनाल (महेश), क्या. प्रेम बहादुर थापा, प्रेम नारायण शर्मा (खनाल), नीर बहादुर राना मगर , ऋषिराम पाठक त्यसैगरी महिला सदस्यमा शोभा कुमारी आले लेखा समिति संयोजकमा खुमलाल पौडेल लेखा सदस्यहरुमा बल बहादुर नेपाली र टोल प्रसाद राना मगर रहेका छन्।

त्यसैगरी घिमिरेको प्यानलमा उपाध्यक्षमा नवलराज भट्टराई , कोषाध्यक्षमा कृष्ण प्रसाद काफ्ले छन् भने सदस्यहरुमा बिष्णु प्रसाद गौतम, भक्तीराम सापकोटा , कपिलमणी ढकाल, कल्पु दंगोरीया, तिल प्रसाद आचार्य (तिलक), भिम बहादुर बस्नेत , कृष्ण प्रसाद नेपाल, बेनी माधब रेग्मी , लालमणी श्रेष्ठ , चेत नारायण गौतम , क्या. हेम बहादुर राना मगर , झलक सुनार, बौधलाल शर्मा, नन्दलाल उपाध्याय (पौडेल) त्यसैगरी महिला सदस्यमा टीका देवि न्यौपाने लेखा समिति संयोजकमा ऋषिराम बस्याल , लेखा सदस्यमा दिनेश चन्द्र मिश्रा र दिनेश ज्ञवाली रहेका छन् ।

दुबै प्यानलले आ –आफ्नो जीत सुनिश्चत रहेको दाबी गरेका छन् । २१ गते शनिबार बिहान ८ देखि साँझ ५ बजे सम्म मतदान हुने निर्वाचन समिति, यज्ञोदय दुधनाथ थारु बहुमुखी क्याम्पसले जनाएको छ । २०६० सालमा स्थापना भएको क्याम्पसमा स्नातक र स्नातकोत्तर दुबै तहको अध्यापन हुने गर्दछ स्नातकमा व्यवस्थापन संकाय अन्तर्गत बिबिएस र शिक्षा शास्त्र संकाय नेपाली र अङ्ग्रेजी गरी दुबै माध्यममा पढाइ हुन्छ भने स्नातकोत्तर तहमा व्यवस्थापन संकाय अन्तरगत एमबिएस पढाइ हुने गर्दछ।

पछिल्लो अपडेट