सरकारी जागिर छाडेरै खेलमा रमाएका कमल भण्डारी

पिता दुर्गा माता पशुपतिका दोश्रो सन्तानका रुपमा वि.स. २०४० चैत्र ४ गते ढिकुर पोखरी-९, कास्कीमा कमल भण्डारीको जन्म भएको थियो । २०५६ सालमा राष्ट्रिय मा.वि. पोखराबाट उनले एसएलसि परीक्षा उतिर्ण गरि पृथ्वी नारायण क्याम्पसमा अध्ययन गर्न थाले । बुबाको सल्लाह अनुसार कमल कराँते खेल्न थाले ।

२०५८ साल तिर साथी सुनिल पौडेलसँग मिलेर आफ्नो घरमा नै सिमेन्टको ब्लक लिएर व्यायाम गर्न थाले । पछि दाजु राजु कार्कीले नयाँ बसपार्कस्थित आफ्नै घरमा खोलेको व्यायामशालामा कमल जान थाले । २०६१ सालतिर कमलले पोखरा व्यायामशालाको सदस्यता लिए । उनको शारीरिक सुगठन तर्फको पहिलो प्रतियोगिता २०६२ सालमा आयोजना भएको तेस्रो मिष्टर पोखरा थियो । जसमा उनि ५५ के जी तौल समुहमा तेस्रो हुन सफल भएका थिए । छोरोले पहिलो प्रतियोगिताबाट नै राम्रो नतिजा ल्याएको देखेर उनका पिता असाध्यै खुशी भएका थिए । बुबाको अनुहारमा देखिएको चमकले कमललाई खेलमा लाग्न थप हौसला मिल्यो ।

त्यहीक्रममा कमलको चिनजान पोखराका शारीरिक सुगठन खेलका अग्रज खेलाडी शंकरमान उदाससँग भयो । जसले पोखरामा रत्नश्री नामक जिम संचालन गर्थे । २०६२ सालमा शंकरमान उदासले कमललाई काठमाण्डौमा नेपाल व्यायाम मन्दिरको आयोजना भएको दशौं धर्मश्री खुला राष्ट्र व्यापी शारीरिक सुगठन प्रतियोगितमा भाग लिन लिएर गए । त्यहाँ कमलले पहिलो पटक राष्ट्रिय स्तरका खेलाडीहरु देख्ने अबसार पाए । उनिहरुको मिलेको र बलिष्ठ शरीर देखेर आफूले पनि अब त्यस्तै शरीर बनाउने प्रण गरे । २०६५ सालमा काठमाण्डोमा नै आयोजना भएको पाचौ राष्ट्रिय खेलकुद अन्तर्गत बाह्रौ राष्ट्रिय शारीरिक सुगठन प्रतियोगितमा भाग लिन लिए ।

आफ्नो बजन समुहमा दोस्रो स्थान हात पर्न सफल भए । २०६८ साल तिर कमल कला क्षेत्र तिर लागे । केही म्युजिक भिडियोहरु अभिनय गरेका कमललाई क्रमशः चलचित्रहरुमा समेत अफरहरु आउन थाल्यो । उनको प्रथम चलचित्र अन्तिम ग्रहण थियो । पल्टन, नबोले नि हाँसी राख न, ओम, नाइके, सडक र गन्तव्य जस्ता झन्डै दर्जन बढी नेपाली चलचित्रहरुमा उनले आफ्नो अभिनयकला दर्शक सामु प्रस्तुत गरेर आफूलाई अब्बल कलाकारका रुपमा कला क्षेत्रमा स्थापित गराइ सकेका छन् ।

कमल करिब डेड बर्ष वैदेशिक रोजगारीका शिलशिलमा मलेसिया समेत पुगे । त्यहाँ उनले कम्प्युटर हार्डवेयर सम्बन्धिमा काम गर्न अवसर पाए । परदेशको बसाइले उनलाइ नेपालमा नै केहि गर्नु पर्छ भन्ने पाठ सिकायो । उनि नेपाल फर्किए । पुनः आफू पनि जिम गर्दै अरु साथीभाइहरुलाई पनि सिकाउन थाले । स्थानीय सरकारी स्कुल कन्या माध्यामिक विद्यालयमा लेखापाल पदमा नियुक्ति समेत लिए । दिनभर सरकारी जागिर बिहान साझं रत्नश्री जिममा ट्रेनरका रुपका कामकाज गर्ने थाले । उनको शारीरिक सुगठन खेल यात्रा समेत निरन्तर चलि रह्यो । २०७० सालमा नेपालगञ्जमा आयोजित चौधौ राष्ट्रिय शारीरिक सुगठन प्रतियोगितमा उनि ६० केजी तौल समुहमा तेश्रो भए । २०७३ साल उनका लागि निकै महत्वपुर्ण रहेको उनी बताउँछन् । त्यहि साल उनले ५ वटा प्रतियोगिता स्वर्ण पदक जित्ने अबसर पाए ।

२०७३ भाद्र १८ पश्चिमाञ्चल स्तरिय तेस्रो मिष्टर माछापुच्छरे मा ६० केजीमा स्वर्ण पदक २०७३ पुष ४ गते पश्चिमाञ्चल स्तरिय छैठौ मिष्टर पोखरामा ६० केजीमा स्वर्ण पदक पोखरामा सम्पन्न दोस्रो बुल्ल्स्मेन प्रतियोगितामा ५५ के जी तौल समुहमा सहभागी हुदै स्वर्ण पदक । चौधौ धर्मश्री खुला राष्ट्र व्यापी शारीरिक सुगठन प्रतियोगितमा ५५ केजी तौल समुहमा नै सहभागी हुदै स्वर्ण पदक । छैठौ मिष्टर हिमालय राष्ट्रिय शारीरिक सुगठन प्रतियोगितमा ५५ केजी तौल समुहमा सहभागी हुदै स्वर्ण पदक जिते । कमलले राष्ट्रिय मात्र नभएर अन्तर्राष्ट्रिय शारीरिक सुगठन प्रतियोगिताहरुमा समेत आफ्नो उल्लेखनीय उपस्थिति दर्ज गर्न सफल भएका छन् ।

सन् २०१७ मा दक्षिण कोरियामा आयोजित ५१ औ एशियाली शारीरिक सुगठन प्रतियोगितमा पुरुष ५५ के जी तौल समुहमा उनले सहभागिता जनाउन अवसर पाए । जसमा उनी कास्य पदक जित्न सफल भए । त्यहि साल नै मंगोलियामा भएको नवौ विश्व शारीरिक सुगठन प्रतियोगितमा उनले ५५ केजी तौल समुहमाच सहभागिता जनाएका थिए । सन् २०१८ भारत पुणेमा आयोजित ५२‌औ एशियाली शारीरिक सुगठन प्रतियोगितमा समेत उनि सहभागी भए । सन् २०१९ मा नेपालमा आयोजित १२औ दक्षिण एशियाली शारीरिक सुगठन प्रतियोगितमा कमलले पुरुष ६० के जी तौल समुहमा रजत पदक हात पार्न सफल भएका थिए ।

खेल क्षेत्रबाट नै उनले तेस्रो टि.भि.एस पोखरा स्पोर्ट्स अवार्ड २०७४ मा बर्ष उत्कृष्ट खेलाडीको उपाधिसँगै उनले मोटरसाइकल समेत हात पारेका थिए । हाल उनि पोखरा-७, शान्तनगर स्थित रत्नश्री जिमका सन्चालक समेत हुन् । कमल डाइट नेपालका उत्पादनहरुका ब्राण्ड एम्बोस्ड्रर पनि हुन । जीवनमा सबैभन्दा रमाइलो क्षण संझदै उनि भन्छन, “दक्षिण कोरियाबाट ५१ औ एशियाली शारीरिक सुगठन प्रतियोगितमा कास्य पदक जितेर पोखरा फर्कने क्रममा हजारौ पोखरेली जनसगरले स्वागत गर्दै र्याली सहित नगर परिक्रमा गराएको पल म जीवनमा कहिल्यै बिर्सन सक्दिन् ।” कमल हिजोआज समेत जिममा बिहान देखि साझँसम्म आफु जस्तै प्रतिभावान खेलाडी जन्माउन प्रयासरत छन् ।

कमल भन्छन्, “मानिसको जीवनमा सबैभन्दा ठुलो कुरा भनेको नै स्वास्थ्य हो । खेलमा नै आफ्नो भविष्य बनाउने उद्देश्यले खाइरहेको सरकारी जगिर पनि छोडे । तर, म खुशी नै छु । परिवार र साथीभाईको माया ले गर्दा नै आज यो ठाउँ सम्म आइ पुगेको छु । जन्म पछी मृत्वु अवस्यंभावी छ, तर आफ्नो जीवनकालमा नै अझै केही राम्रो काम गरेर देखाउने चाहना छ ।” उनले सारा नेपालीलाइ स्वास्थ्य राख्ने उद्देश्यका साथ BE-FIT नमक संस्था खाेलेर सुगठित शरीर बनाउने बिभिन्न तालिम कार्यक्रमहरु संचालन समेत गर्न गरेको उनि बताउँछन् ।