११ मंसिर २०७८, शनिबार

Nov 27, 2021

तिलोत्तमा । रुपन्देहीको तिलोत्तमा नगरपालिकाले असोज ९ गते राति आएको बाढी तथा डुबानबाट पीडित परिवारलाई राहत दिन मापदण्ड तय गरेको छ । स्थलगत अवलोकनपछि वातावरण तथा विपद् व्यवस्थापन समितिले तयार गरेको राहत वितरण मापदण्डलाई कार्यपालिका बैठकले अनुमोदन गरेको हो । मापदण्डअनुसार संकलित लगतको आधारमा केही दिनभित्रै राहत वितरण गरिने नगरपालिकाले जनाएको छ ।

Advertisement

असोज ९ गते राति भारी वर्षासँगै आएको बाढी तथा डुबानबाट वडा नं. ११, ८, ७, १, १२ लगायतका वडाहरु सबैभन्दा बढी प्रभावित भएका थिए । सुखौरा तथा रोहिणी नदी र सिँचाई नहर आसपासका बस्ती बाढी तथा डुबानबाट प्रभावित भएका हुन् । विपद् व्यस्थापन समितिको बैठकले कार्यपालिका सदस्य राधा शाही संयोजक, नगरसभा सदस्यद्धय नेत्र खनाल, यमबहादुर थापा तथा ईञ्जिनियर गिरीराज डुम्रे र सव–ईञ्जिनियर कमल खड्का सदस्य रहेको क्षति लगत संकलन उप–समिति गठन गरेको थियो ।

उप–समितिले बुझाएको प्रतिवेदनको आधारमा विपद् व्यवस्थापन समितिले राहत वितरण मापदण्ड कार्यपालिका बैठकमा पेश गरेको समिति संयोजक एवं नगर प्रवक्ता सुरेन्द्र श्रीले जानकारी दिए । मापदण्डअनुसार लत्ताकपडा, भाडावर्तन बगाएका पीडित परिवारलाई सात हजार, घर–गोठ आंशिक क्षति पुगेको परिवारलाई दश हजार, घर पूर्णरुपमा क्षति भएको परिवारलाई बीस हजार रुपैंयाँ राहत पाउने छन् ।

यस्तै गाईं भैसी मरेकोमा प्रतिगोटा पाँच हजार, बंगुर, बाख्रा मरेकोमा प्रतिगोटा पाँच सय रुपैंयाँ, धानबाली पूर्ण नष्ट भएकोमा प्रति विगाहा बीस हजार रुपैंयाँ राहत पाउने छन् । यसैगरी कुखुरा–हाँस ५० गोटासम्म तीन हजार, २५० गोटासम्म पाँच हजार, ५०० गोटासम्म सात हजार रुपैंयाँ राहत दिने मापदण्ड निर्धारण भएको छ ।

माछा पोखरीमा पुगेको क्षतिमा प्रतिपोखरी पाँच हजार रुपैंयाँ राहत दिनेगरी मापदण्ड निर्धारण भएको समिति संयोजक श्रीले जानकारी दिए । यसैगरी विभिन्न उद्योगधन्दामा पुगेको क्षतिमा पनि राहत दिइने उनले बताए । नदी कटान नियन्त्रण, व्यवस्थापन र अल्प तथा दीर्घकालीन रुपमा समस्या समाधानको लागि नगरपालिकाले प्रदेश तथा संघीय सरकारसँग माग गर्ने उनको भनाइ छ ।

असोज ९ गते रातिको बाढीबाट समस्यामा परेका नगरबासीको उद्धारको लागि मध्यरातमैं नगर प्रमुख बासुदेव घिमिरे लगायतका जनप्रतिनिधि, राजनीतिक दलका नेता, टोल विकास संस्थाका पदाधिकारी, समाजसेवी घटनास्थलमा खटिएका थिए ।

प्रतिकृया दिनुहोस्

Flash News

झापाकी इन्दिरासँग ‘इन्गेजमेन्ट’मा बाँधिए मुकुन्द घिमिरे पार्टी भित्र हुने निर्वाचनले ठूलो द्वन्द्व जन्माउँछ : डा. भण्डारी केमिकल एण्ड मेडिकल सप्लायर्स एसोसियशन नेपालको साधारणसभा तिलोत्तमामा कोसी ब्यारेजमा हाम फालेका एक जनाको मृत्यु सरकारलाई बिजुली खपतको चिन्ता, जनता पोल हेर्न बाध्य रुपन्देहीको भैरहवामा ट्रकको ठक्करबाट बाबुछोराको मृत्यु मुख्यमन्त्री राईले भने- म रचना रिमाललाई वान साइड लभ गर्छु राजनीतिमा देखिएको पथभ्रष्ट र अराजकता सच्याउने नेतृत्व आउँछ : ओली बन्द सत्रमा ओलीले भने : प्रतिकृयावादीको षड्यन्त्रका कारण प्रतिपक्षमा पुगियो कांग्रेस रुपन्देहीको सभापतिमा रामकृष्ण खाँण सर्वसम्मत रुपमा चयन पाँच घण्टा ढिला गरी सौराहमा सुरु भयाे एमालेको बन्दसत्र भोट माग्न सुरु गरेका भीम रावलले भने- ओलीकाे सहमति प्रयासबारे जानकारी छैन एमाले १० औँ महाधिवेशन : घनश्याम भूसाल उपाध्यक्षमा उठ्ने एमाले दशौं महाधिवेशन : नेम्वाङलाई राष्ट्रपति, अष्टलक्ष्मीलाई उपराष्ट्रपतिको आश्वासन एमालेको कुम्भमेलामा विचारलाई निषेध गरियाे : प्रचण्ड टिपरको ठक्करले स्कुटर चालकको मृत्यु माओवादी केन्द्र पुनर्गठित गर्दै अघि बढेका छौं: प्रचण्ड ओली बन्दसत्र स्थल प्रवेश, तर अझै सुरु भएन बैठक एमालेको राष्ट्रिय महाधिवेशन र युवा नेतृत्व कर नबुझाउने करदातामाथि कारबाही सुरु