२१ मंसिर २०७८, मंगलवार

Dec 7, 2021

बालीसँगै ६० घरपनि डुबानमा

Advertisement

परासी । पाकेर घर भित्राउन तयार भएको धान बाढीले डुबाएपछि पश्चिम नवलपरासीका किसान चिन्तित भएका छन्। गएको मंलबारदेखि परेको अविरल वर्षाका कारण आएको बाढीले सबैभन्दा बढी पाल्हीनन्दन र सरावल गाउँपालिकामा लगाइएको धान खेती डुबानमा परेपछि किसान चिन्तित बनेका हुन्। पाल्हीनन्दन गाउँपालिका अध्यक्ष वैजुप्रसाद गुप्ता(दीपक)ले लगातार परेको वर्षाका कारण भएको डुबान क्षेत्रको स्थलगत अवलोकन गरी वस्तुस्थिति जानकारी लिएको बताए । उनले गाउँपालिकाको सबैभन्दा बढी डुबानमा परेका वडा नं. १ को शंकरपुर, बड्की सुनरी, महेशपुर, अमानीगञ्ज, दशगजा क्षेत्रमा धेरै धानखेती डुबेको बताए।

अविरल वर्षापछि झरही र धनेवा खोलाको बाढी पस्दा शंकरपुर गाउँ पूर्ण रुपमा ढुबान भएको छ । बाढीका कारण करिव ६० घर डुबेका छन् भने पाँच सय भन्दा बढी विघाको धानबाली नष्ट भएको बताउँदै किसानका लागि उन्नत जातका बिउविजन र राहत हुने किसिमको योजना गाउँपालिकाले ल्याउने बताउनुभयो। विपद व्यवस्थपन संयोजक प्रदिप तिवारीले गाउँपालिकाको सबैभन्दा धानखेती डुबेका शंकरपुर, बड्की सुनरी, महेशपुर, अमानीगञ्ज, पडरी लगायतका सयौं बिगाहको यकिन बिबरण संकलन गर्ने काम भइरहेको बताए।

यता सरावल गाउँपालिका अध्यक्ष राधेश्याम चौधरीले पनि लगातार परेको वर्षाका कारण भएको डुबान क्षेत्रको स्थलगत अवलोकन गरी वस्तुस्थिति जानकारी लिएकाछन् र उनले सरावल गाउँपालिकाको सबैभन्दा बढी डुबानमा परेको वडा नं. ६ को खडौना ,मधवलिया, नौडिहवा , भुजहवा ,गडौरी कुर्थावल र पुसौलि लगाएतको क्षेत्र अवलोकन गरेकाछन् । बाढि पीडितहरुका डाटा संकलन भएको आधारमा राहत उपलब्ध गराउने र बताउदै किसानहरुका क्षति धानबालिका सट्टामा हिउदे बालिहरुका बिउ विशेष अनुदानमा गाउँपालिकाले उपलब्ध गराउने प्रतिबद्धता ब्यक्त गरे । पाकेको धान डुबेपछि बचेका केही धान किसानले काट्न थालेका छन्।

केही किसानले पानी भित्रकै धान काटेर ल्याउन थालेका छन्। डुबानका कारण सरावलको वडा नम्बर ४ र ७, पाल्हीनन्दनको १ र ६ नम्बर वडामा लगाइएको ३ हजार बिगाहाको धानबाली पूर्ण रुपमा डुबानमा परेको छ। सरावलमा १ हजार बढी र पाल्हीनन्दनमा २ हजार बढी धानबाली डुबेको स्थानीय तहले जनाएका छन्। त्यस क्षेत्रमा सयौं बिगाहामा लगाइएको धान खेती पनि आधा डुबानमा परेको छ। केही किसानले काटेर खेतमा सुकाएको धान समेत डुबाएको छ । धानबालीसँगै गाउँ नै डुबानमा परेपछि घरभित्र रहेको खाद्यन्न समेत बगाएको स्थानीयले बताएका छन्। २÷४ दिनमा काट्न भनेर राखेको धान बाढीले डुबाएको सरावल–६ कुर्थावलका गयाकुमार यादवले बताए। बाढी सुक्न अझै १० दिन जति लाग्ने र त्यो बेलासम्म डुबेको धान कामै नलाग्ने हुने पाल्हीनन्दन गाउँपालिका शंकरपुरका किसान जतेन्द्र यादवले बताए।

गाउँसँगै धान खेती डुबानमा परेपनि स्थानीय तहले अहिलेसम्म राहतको व्यवस्था नगरेको स्थानीयको गुनासो छ। कृषि ज्ञान केन्द्र पश्चिम नवलपरासी जिल्लाका प्रमुख देवेश कुमार म मिश्राले कम्तिमा दुई विहाह भन्दा बढी डुबानमा परेको र सबै स्थानीय निकायलाई तथ्याङ्क संकलन गरी राहतको लागि स्थानीय निकायलाई आग्रह गर्दै हिउँदे बाली लगाउने बेला सबै स्थानीय निकायले उन्नत जातका विउविजन,मल आदि क्षेत्रमा अनुदान दिएर किसानलाई हौसला प्रदान गर्न अनुरोध गरे।

प्रतिकृया दिनुहोस्

Flash News

काँग्रेस केन्द्रिय सदस्यकामा लुम्बिनीका ऊर्जा, जलस्रोत मन्त्री रानाको उमेद्वारी झापामा वर्षमा आठ सय बढी हराउँछन्, मान्छे हराउँदा आधा मात्र भेटिन्छन् राष्ट्रियसभा निर्वाचन कार्यतालिका : २० पुसमा मनोनयन, ५ दिनपछि अन्तिम नामावली, ६ घण्टा मतदान सभापतिको साझा उम्मेदवार चयन गर्न चाक्सीबारीमा पौडेल-कोइराला समूहको बैठक सुरु इन्डोनेसियामा ज्वालामुखी विस्फोटमा परी ३४ को मृत्यु सीमा नाकामा ओमिक्रोनको त्रास : भारतबाट भित्रिनेहरू विशेष निगरानीमा ओमिक्राेन बिरामीले भरिए अस्पताल मालीमा भएको आतङ्कवादी हमलाको संयुक्त राष्ट्रसंघको सुरक्षा परिषदद्वारा निन्दा राप्रपालाई ज्ञानेन्द्र शाहको भजनमण्डली बनाउन दिन्नँ : कमल थापा तीन जोनका लागि रु पाँच करोड विनियोजन न्यानो घर निर्माणमा आर्थिक अभाव कमल थापालाई पार्टी फुटाउन पाथीभारा देवीको कसम बाधक ! कांग्रेस महाधिवेशन : १३ पदाधिकारीसहित एक सय ३४ जना निर्वाचनबाट चुनिँदै नारायणी नदी तटबन्धनका लागि पाँच अर्ब जुटाइँदै, भरतपुर महानगरको सक्रियता मकवानपुरमा कोरोना विरुद्धको खोप लगाएकी महिलाको मृत्यु ओली भेट्न बालकोट जाँदै बारका पदाधिकारी, प्रधानन्यायाधीश हटाउन अनुरोध गर्ने प्रधानमनन्त्री कप प्रदेशस्तरीय टि २० : आज सिरहा र महाेत्तरी तथा सर्लाही र बाराबीच भिडन्त टर्कीमा कोरोनाको सङ्क्रमण बढ्दै, एकै दिनमा २० हजारमा संक्रमण खोप लगाएकी महिलाको कोरोनाबाट मृत्यु कांग्रेस महाधिवेशन : पदाधिकारी र केन्द्रीय सदस्यमा उम्मेदवारी घोषणा गर्ने संख्या बढ्यो