बुटवल । नेपालमा आइतबार मात्रै थप १५६ जनामा कोरोना संक्रमण भएको छ । स्वास्थ्य मन्त्रालयको नियमित प्रेस ब्रिफिङका क्रममा मन्त्रालयका प्रवक्ता डा.जागेश्वर गौतमले पछिल्लो २४ घण्टामा देशभर गरी १५६ जनामा कोरोना संक्रमण भएको बताएका हुन् । गौतमका अनुसार बितेको २४ घण्टामा २७ वटा प्रयोगशालाबाट ३ हजार ७४१ जनाको नमुना परीक्षण भएको छ ।
योसँगै संक्रमितको कूल संख्या १७ हजार ६५८ पुगेको छ । पछिल्लो २४ घण्टामा देशभर गरी थप ५८ जना कोरोना संक्रमित डिस्चार्ज भएका छन् । योसँगै कोरोना भाइरस संक्रमणमुक्त हुनेको कूल संख्या ११ हजार ६९५ पुगेको छ । हाल देशभरका बिभिन्न क्वारेन्टिनमा २२ हजार ६६२ जना रहेका छन् । नेपालमा कोरोनाबाट मृत्यु हुनेको संख्या ४० पुगेको छ ।
युनिकोड
मिति रूपान्तरण
ग्लोबल आवाज
प्रतिक्रिया