रोटरीको क्लब अफिसर्स तालिम : सीप र ज्ञानलाई सामाजिक कार्यमा लगाउन आग्रह

बुटवल । सामाजिक क्षेत्रमा क्रियाशिल अन्तराष्ट्रिय संस्था रोटरीद्वारा रोटरी डिष्ट्रिक्ट ३२९२ रिजन पाँच अन्तर्गतका अध्यक्ष तथा पदाधिकारीहरुलाई क्लब अफिसर्स तालिम(COTS) प्रदान गरिएको छ । रोटरी डिष्ट्रिक्ट ३२९२ रिजन पाँच अन्तरगतका रोटरी क्लब अफ बुटवल साउथ, रोटरी क्लब अफ रुपन्देही, रोटरी क्लब अफ मणिग्राम र रोटरी क्लब अफ देवदहका अध्यक्ष तथा पदाधिकारीहरुलाई उक्त तालिम प्रदान गरिएको हो ।

Advertisement

तालिममा प्रत्येक क्लबबाट अध्यक्ष, सचिव र कोषाध्यक्षहरु लगाएत पाँच एभेन्युज चेयरहरुको सहभागिता रहेको थियो । विगतका वर्षहरुमा यस क्षेत्रका सबै क्लबहरुलाई एकैपटक सहभागि गराउँदै आएकोमा यस वर्ष भने कोरोना सतर्कतालाई मध्यनजर गर्दै रिजन पाँच अन्तरगतका २६ वटा क्लवलाई ६ वटा समुहमा विभाजन गरि तालिम (सेमिनार) प्रदान गरिएको रोटरी डिष्ट्रिक्ट ३२९२ रिजन पाँच, जोन-१८ का एसिष्टेण्ट गभर्नर तथा कार्यक्रम संयोजक ध्रुवकुमार धितालले बताए।

तालिममा रोटरी डिष्ट्रिक्ट ३२९२ रिजन पाँचका तालिम उपसमितिका चेयर लक्ष्मण ज्ञवाली, जोन- २० का एसिष्टेन्ट गभर्नर राजकुमार गुप्ता, रिजन ५ का रिसोर्स पर्सनहरु नरबहादुर श्रीस, राजेन्द्रबहादुर जीसी र खिमबहादुर कार्कीले सहजिकरण गरेका थिए । सो अवसरमा बोल्दै कार्यक्रम संयोजक ध्रुवकुमार धितालले तालिममा लिएको ज्ञान सीपलाई व्यबहारमा उतार्दै सामाजिक काममा लगाउन आग्रह गरे । सेमिनारलाई प्रबिधमार्फत भर्चूअल रुपमा रोटरी डिष्ट्रिक्ट ३२९२ का डिष्ट्रिक्ट गर्भनर राजिव पोखरेल तथा तालिम कमिटी चेयर राजेन्द्र शाक्यले समेत सम्बोधन गरेका थिए ।

तालिम कार्यक्रम रोटरी क्लब अफ बुटवल साउथका अध्यक्ष प्रेम भूर्तेलको अध्यक्षता, रोटरी क्लब अफ रुपन्देहीका अध्यक्ष गौतम भुसालको सञ्चालन रोटरी क्लब अफ देवदहका अध्यक्ष कुलप्रसाद पौडेलकोे स्वागत र रोटरी क्लब अफ मणिग्रामका अध्यक्ष कृष्णप्रसाद नेपाललको धन्यवाद ज्ञापनमा सम्पन्न भएको थियो । सेमिनारमा जोन-१९ का एसिष्टेण्ट गभर्नर खिमानन्द भुसाल तथा जोन २१का एसिष्टेण्ट गभर्नर हरि प्रसाद पौडेलको समेत अतिथ्यता रहेको थियो ।