ताजा अपडेट »

रुरु मिलन केन्द्रद्वारा रक्तदान, ३४ पिन्ट रगत संकलन

विहीबार, ०१ साउन २०७७, ०९ : १५
14 Shares

बुटवल । गुल्मीको रुरु क्षेत्रबाट बसाइँ सरी रुपन्देही झरेका समाजसेवीहरुको साझा संस्था रुरु मिलन केन्द्र, बुटवल हो । लामो समयदेखि यो संस्थाले सामाजिक क्षेत्रमा कार्य गर्दै आएको छ । बुटवलमा रहेर आफ्नो पुख्र्यौली थलो रुरु क्षेत्रको विकास र उन्नतिका निम्ति क्रियाशील यो संस्थाले बुटवल क्षेत्रमा समेत आर्थिक,सामाजिक,सांस्कृतिक,पुरातात्विक एवम् पर्यटन प्रवद्र्धनका क्षेत्रमा विशेष योगदान गर्दै आएको छ ।

बुधवार बुटवलमा सो संस्थाले मानवीय सेवामा क्रियाशील रहेर रक्तदान गरेको छ । कोरोनाका कारण रगतको अभावलाई पूर्ति गर्नका लागि रुरु मिलन केन्द्रले ३४ पिन्ट रक्तदान गरेको थियो । रुरु मिलन केन्द्रका महिला दिदीबहिनीहरुले रगतका कारण कसैको अकालमा मृत्यु नहोस् भनी रक्तदान गरिएको सो मिलन केन्द्रकी अध्यक्ष जमुना सुवेदी पोखरेलले बताइन् । साथै नयाँ वर्ष २०७७ को उपलक्ष्यमा प्रकाशन गरेको भित्तेपात्रो (क्यालेण्डर)समेत प्रकाशन गरी विमोचन गरी आफ्नै सबै सदस्यहरुलाई वितरण गरेको छ ।

सो कार्यक्रमको प्रमुख अतिथि एवम् मिलन केन्द्रका सल्लाहकार ऋषि भण्डारीले रुरु मिलन केन्द्र, बुटवल सामाजिक संस्था रहेको र यसले विगत लामो समयदेखि यस्तै सामाजिक क्षेत्रमा काम गर्दै आएको बताए । कार्यक्रममा विशिष्ट अतिथिका रुपमा नेकपा बुटवल नगरकमिटी अध्यक्ष बाबुराम पन्थी,नेपाली काङ्ग्रेस बुटवल नगर सभापति खेलराज पाण्डेय,संस्थाकी संस्थापक अध्यक्ष राधा ज्ञवाली,उपाध्यक्ष रमा पाण्डेय,सचिव अनुपमा श्रेष्ठ,सामाजिक अभियन्ता कृष्ण चौहान लगायतले रुरु मिलन केन्द्रको उन्नति र प्रगतिको कामना गरेका थिए ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।