सभामुख सापकोटाको आँखाको शल्यक्रिया

काठमाडौं । सभामुख अग्निप्रसाद सापकोटाको मोतियाबिन्दुको शल्यक्रिया भएको छ । तिलगंगा आँखा अस्पतालमा बुधबार उनको दायाँ आँखाको मोतियाबिन्दुको शल्यक्रिया गरिएको हो । वरिष्ठ आँखा चिकित्सक डा. सन्दुक रुइतसहितको टोलीले बिहान शल्यक्रिया गरेको हो ।

केहि समयदेखि सापकोटाको आँखामा समस्या देखिएपछि चिकित्सकको सल्लाह बमोजिक शल्यक्रिया गरिएको उनको सचिवालयले जनाएको छ । उपचारको क्रममा लागेको खर्च सापकोटा आफैँले व्यहोर्ने बताइएको छ ।