१० माघ २०७८, सोमबार

Jan 24, 2022

बुटवल । विश्वव्यापी कोरोना भाइरसको महामारीका कारण मानवीय गतिविधिमा कमी आएपछि त्यसको प्रत्यक्ष तथा सकारात्मक प्रभाव प्रकृतिलाई परेको छ । उद्योग कलकारखाना ठप्प हुनुका साथै मानवीय क्रियाकलापका कारण हुने प्राकृतिक दोहनमा कमी आएपछि त्यसको सकारात्मक असर वायुमण्डल तथा मौसममा समेत पर्ने गरेको छ । यसैगरी कोरोना संक्रमणका कारण मुलुक लकडाउनमा हुँदा मानवीय गतिविधिमा कमी आएपछि पाल्पामा यस वर्ष डढेलोका घटना झण्डै शून्यमा झरेको छ ।

Advertisement

विगतका वर्षहरुमा फागुन चैत्रदेखि नै चुरे क्षेत्रहरुका वनमा डढेलो लाग्ने गरेका अनुभव सुनाउँदै डिभिजन वन कार्यालय पाल्पाको प्रमुख डा. मोहनप्रसाद पौडेलले यस वर्ष भने डढेका घटना नघटेको बताए । कार्यालयको विगत ३ वर्षको तथ्याङ्क अनुसार आर्थिक वर्ष २०७३/०७४ मा जिल्लाका १ सय २७ ठाउँमा गरी कूल ८ हजार ८३ दशमलव ७३ हेक्टर क्षेत्रफलको वनमा आगलागीका घटना भएका थिए भने वर्ष ०७४/७५ मा डढेकोका घटनामा कमी आएको थियो । सो वर्ष २० स्थानका १ सय ५० हेक्टर क्षेत्रफलमा आगलागीका घटना भएका थिए । यसैगरी पछिल्लो वर्ष ३५ स्थानका ३ सय हेक्टर वन क्षेत्रफलमा आगलागीका घटना भएको डिभिजन वन कार्यालय पाल्पाको तथ्याङ्कमा उल्लेख गरिएको छ । यो वर्ष कोरोना महामारीका कारण मानवीय क्रियाकलापमा कमी आएका कारण डढेलोका घटनामा कमी आएको कार्यालयका रेञ्जर यमलाल पोखरेलले बताए । यो वर्ष डढेका घटना नहुनुमा बेला बेला पर्ने गरेको वर्षा प्रमुख कारण हो भने कोरोनाका कारण मानवीय गतिविधिमा कमी आउनु दोस्रो कारण रहेको उनले बताए । यसैगरी सचेतनाका कारण पनि वन डढेलोका घटनामा कमी आएको उनले बताए । जिल्लामा ५१ हजार हेक्टर बढी वन रहेको छ ।

यसैगरी रुपन्देही, नवलपरासी तथा कपिलवस्तु लगाएतका जिल्लाहरुमा समेत यो वर्ष डढेलोका घटनाहरु घटेका छैनन् । वनमा डढेको लाग्ने समय अहिले नै नसकिएको बताउँदै डिभिजन वन कार्यालयका प्रमुख बोधराज सुवेदीले अझै एक डेढ महिना सजगता अपनाउनु पर्ने बताए । डिभिजन वन कार्यालय रुपन्देहीका अनुसार गत वर्ष जिल्लाका २ हजार ६ सय ४० हेक्टर वन क्षेत्रमा डढेलो लागेको थियो । स्थानीय तहहरुले वन संरक्षणमा देखाएको तदारुकता तथा मौसमका कारण यो वर्ष अहिलेसम्म डढेलोका घटनामा नभएपनि चुनौती कायमै रहेको उनले बताए । यसैगरी लकडाउनको अवधिमा मानवीय गतिविधिमा कमी आउनाले पनि केही मात्रामा सहयोग गरेको उनले बताए । रुपन्देहीमा करिब २५ हजार हेक्टर मात्रै वन क्षेत्र रहेको छ । सुवेदीका अनुसार रुपन्देहीको तराई भेगमा ३/४ हजार हेक्टर क्षेत्रफलमा वन रहेको छ भने अन्य वन चुरे क्षेत्रमा पर्दछ । यसैगरी कपिलवस्तु तौलिहवा डिभिजन वन कार्यालयका प्रमुख इश्वरीप्रसाद पौडेलले पनि यो वर्ष आगलागीका घटना शून्य जस्तै भएको छ । समय समयमा वर्षा हुने मौसमका कारण तथा लकडाउनले मानवीय गतिविधिमा कमी आएपछि यो वर्ष डढेलोका घटनामा कमी आएको उनले बताए । तौलिहवा वन डिभिजन कार्यालय अन्तरगत २४ हजार हेक्टर वन क्षेत्र रहेको छ । यसैगरी कपिलवस्तुकै गौतमबुद्ध वन डिभिजन कार्यालयका प्रमुख दुर्गाबहादुर कार्कीले पनि लकडाउनले डढेलोका घटना नहुनुमा भूमीका रहेको बताउँछन् ।

यो वर्ष डढेलोका घटना शून्यजस्तै हुनुको पहिलो कारण मौसम भएको बताउँदै उनले लकडाउनका कारण मानवीय गतीविधीमा कमी आउदा पनि फाइदा भएको उल्लेख गरे । गौतमबुद्ध वन डिभिजन कार्यालय अन्तरगत ३५ हजार हेक्टर वन क्षेत्र रहेको छ । उनका अनुसार गत वर्ष करिव १ सय ५० हेक्टर वन क्षेत्रमा आगलागीका घटना घटेको थियो । सामान्यतस्याःजेठ महिनाको १५ गतेसम्म तथा कतिपय अवस्थामा जेठ मसान्तसम्म नै डढेलोको जोखिम हुने गर्दछ । डढेलो जोखिम नसकिएको हुँदा अझै सचेत रहने पर्ने विज्ञहरुको सुझाव छ । वन डढेलोको समयमै कोरोनाको महामारी र यसको रोकथामका लागि सरकारले गरेको लकडाउनका कारण यस वर्ष वनक्षेत्र भने आगजनीबाट हालसम्म सुरक्षित छ । तर,पूूरा जोखिम भने टरेको छैन । विगतका वर्षहरुमा जस्तो आगलागी हुन नपाउँदा पन पैदावार पनि सुुरक्षित छन् । यसबाट मानवीय गलत गतिविधिलाई रोक्ने हो वनविनास र डढेलोबाट बच्नुका साथै प्राकृति हस रोक्न सकिन्छ भन्ने पुष्टि हुुन्छ ।

प्रतिकृया दिनुहोस्

Flash News

राष्ट्रियसभा निर्वाचन सुरक्षाकाे जिम्मा प्रदेश प्रहरीलाई काठमाडौंमा सिटामोलको अभाव छ, यसमा पनि नाफाखोरीको तारतम्य छ ? कोरोनाको नाममा आफूखुसी कार्यालय अनुपस्थित, स्वीकृती लिएरमात्र बस्न निर्देशन जिल्ला भित्रने सबैलाई खोप कार्ड अनिवार्य मूल्यवृद्धिको बिरोधमा विप्लव नेकपाको प्रदर्शन प्रहरीको मोटरसाइकल लिएर फरार कैदी नाइके पक्राउ कर्णालीका मुख्यमन्त्री शाहीको सम्पत्ति : ५६ तोला सुन, ठाउँ-ठाउँमा जग्गा दाङमा अतिरिक्त खोप लगाउन सुरु, सिरिन्ज अभाव व्यवसायीलाई हतोत्साहित नबनाऔं सिद्धबाबा सुरुङमार्गको निर्माण आगामी महिना सुरु हुने बढ्यो संक्रमण, छैन सर्तकता राष्ट्रिय सभा निर्वाचन : लुम्बिनीमा कुन दलको कस्तो अवस्था ? नेपालमा एक लाख ६८ हजारले लगाए बुस्टर डोज, अझै एक करोड खोप मौज्दात १६ पुसदेखि हराइरहेकी महिलाको शव घरभित्रै फेला सुस्ता गाउँपालिकाद्वारा ६१ करोडको बजेट प्रस्तुत बिपी प्रतिष्ठान सम्हाल्न आइपुगे यादव, आन्दोलनरत पक्षकाे स्वागत, कर्मचारीकाे विरोध नालामा फसेर गैंडा मरेको विषयमा अनुसन्धान गर्न सहायक वार्डेनलाई जिम्मा जिल्ला प्रशासन रसुवाका ९० प्रतिशत कर्मचारीलाई कोरोना, शुक्रबारसम्म सेवा बन्द थप १० हजार ३१९ जनामा कोरोना संक्रमण, ४ जनाको मृत्यु खोटाङमा कोरोनाका सक्रिय संक्रमित सय नाघे