प्रधानमन्त्रीको स्वास्थ्य अवस्थाबारे अस्पतालले जारी गर्‍याे विज्ञप्ति

काठमाडौँ । प्रधानमन्त्री केपी शर्मा ओलीको स्वास्थ्य अवस्था स्थिर रहेको अस्पतालले जनाएको छ ।

प्रधानमन्त्री ओलीको बुधबार महाराजगन्जस्थित त्रिवि शिक्षण अस्पतालमा दोस्रोपटक सफलतापूर्वक मृगौला प्रत्यारोपण सम्पन्न भएको थियो । उनलाई भान्जी समीक्षा संग्रौला ज्ञवालीले मिर्गौला दिएकी हुन् ।

बुधबार मृगौला प्रत्यारोपण सम्पन्न भएपछि अस्पतालका कार्यकारी निर्देशक प्रा.डा. प्रेमकृष्ण खड्गाले एक विज्ञप्ति जारी गर्दै स्वास्थ्य अवस्था स्थिर रहेको र प्रत्यारोपित मिर्गौलाले पनि काम गर्न सुरु गरिसकेको जानकारी दिएका हुन् । 

जारी विज्ञप्तिमा भनिएको छ, “उहाँको सबै मुख्य सूचकांकहरु राम्रो अवस्थामा रहेका छन् । प्रत्यारोपित मिर्गौलाले पनि काम गर्न सुरु गरिसकेको छ । र, उहाँलाई प्रत्यारोपण उपचार कक्षमा राखी उपचारलाई निरन्तरता दिइनेछ ।”