बुटवल । भारतीय रियालिटी शो इन्डियन आईडल–१३ औं संस्करणका प्रसिद्ध कलाकार रितो रिवाले शुक्रबार एक सांगितिक
कार्यक्रमका लागि बुटवल आउँदैछन् । बुटवल ९ कालिका पथस्थित प्लान–बि क्लवको आयोजनामा हुने लाईभ कन्सर्टमा प्रस्तुती दिन ईन्डियन आईडलका चर्चित कलाकार रीतो ८ जना सहयोगी कलाकारसहित बुटवल आउने भएका हुन ।
करिब १ हजार दर्शक क्षमता भएको प्लान–बि क्लवको स्टेजमा साँझ ८ बजेदेखि राती १ बजेसम्म संचालन हुने सांगितिक कार्यक्रममा ईडिन्यन आईडलका उत्कृष्ट प्रस्तुतकर्ता रितोले प्रस्तुती दिने कार्यक्रम छ । संगित र सांगितिक प्रस्तुतीमार्फत पर्यटन प्रवर्द्धन गर्ने उद्देश्यसहित आयोजित कार्यक्रमको आवश्यक तयारी पूरा भएको आयोजक प्लान–बि क्लवका संचालक कमल रानाले बताएका छन् । रीवाले करिब डेढ दर्जन गीत गाउने बताइएको छ ।
भारतीय ग्राहकहरुलाई आकर्षित गर्ने र यसक्षेत्रको पर्यटन प्रवर्द्धन गरि आर्थिक बिकासमा टेवा पुराउने उद्देश्यले भारतबाट उच्च तहको कलाकार बोलाईएको संचालक रानाले बताए । ‘हाम्रो मुख्य उद्देश्य यसक्षेत्रको ब्यापार ब्यबसायलाई गुल्जार बनाउन पर्यटन प्रबर्द्धनमार्फत आर्थिक बिकास गर्ने हो, मुख्यतयाः धनाढ्य वर्गका भारतीय ग्राहकहरुलाई नेपाल भ्रमणका लागि आकर्षित गरि मनोरन्जन गराउने हो ।’-रानाले भने ।
रात्रीकालिन ब्यबसाय भएकोले उच्च सुरक्षा सतर्कता रहेको र सामान्यतयाः प्रवेश शुल्क ५ सय रहेको प्लान–बि क्लवमा आगामी शुक्रबारका लागि रु १००० र १५०० सयको टिकटको ब्यबस्था गरिएको क्लवका अध्यक्ष शुरेशकुमार श्रेष्ठले बताए । ‘प्रसिद्ध कलाकार आउने भएकाले सबै प्रकारका सुरक्षा ब्यबस्थाको उचित प्रबन्ध मिलाएका छौं । हाम्रो आफ्नै आन्तरिक प्रयोजनका लागि सुरक्षा दस्ता (बाउन्सर टिम) छ र स्थानीय पालीका, प्रहरी, प्रशासनसँग पनि सहयोगका लागि समन्वय भैरहेको छ ।’-अध्यक्ष श्रेष्ठले भने ।
युनिकोड
मिति रूपान्तरण
ग्लोबल आवाज
प्रतिक्रिया