बुटवल ।नवलपरासीको बर्दघाटमा चलचित्र काँडेतारको प्रर्दशन भएको छ । सो चलचित्र हेर्नका लागि बर्दघाट नगरपालिकाका उपमेयर रूद्र प्रशाद उपाध्याय ,वरिष्ठ कलाकार टिका पाहाडी, वडा सदस्य जनक रावल, सुनवल, भुमइ १२ वडा सदस्य केसरी थापा ,सुस्ता गाउँपालिका लेखा संयोजक गणेश पन्थी, ७ वट पालिकाको जनप्रतिनिधि हरूको लगायत सुस्ता पारीदेखिबाट १५ जना डुङ्गा चडेर आएका थिए । यस्तै चलचित्रको प्रर्दशनमा निर्मता अन्जु केसी समेत आएकी थिइन् ।

चलचित्र हेर्नका लागि बिभिन्न संघसंस्थाका प्रतिनिधिहरु धेरै जना ३५० सहभागिता रहेको थियो । उपस्थित अधिकांशले चलचित्र धेरै राम्रो रहेको प्रतिक्रिया दिएका छन् । नेपालको सीमा क्षेत्रबारे जानकारी गराउने उद्देश्य बोकेको यो चलचित्रले देशभक्तिको सन्देश बोकेको छ । देशको सुरक्षा गर्न अपनाउनु पर्ने भूमिकाबारे चलचित्रले स्पष्ट पारेको छ ।

शिवम् अधिकारी र नवल खड्काको लेखन रहेको ‘काँडेतार’ चलचित्रका निर्माता माकिको राई र अन्जु केसी छन्। कार्यकारी निर्माता गायिका सत्यकला राई हुन्। श्री श्रेष्ठ को द्वन्द, कविराज गहतराजको नृत्य, सौरभ लामाको छायांकन, मणि थापा र दीपक शर्माको सगीत, बन्दे प्रसाद र तारा थापा (किम्भे)को सम्पादन रहेको छ। कलाकारमा नवलसँगै गौरभ पहाडी, सुरविना कार्की, रेबिका गुरुङ, प्रशान्त यादवलगायत छन्।