बुटवल । राष्ट्रिय फुटसल टोलीका कप्तान मणी कुमार लामा नेपाल सुपर लिग (एनएसएल) को दोस्रो संस्करणमा बुटवल लुम्बिनी एफसी बाट खेल्ने भएका छन् । एनएसएल अक्सनमा बुटवलले उनलाई किन्न सफल भएको हो ।
नेपाल राष्ट्रिय फुटबल टोलीबाट डेब्यु गरिसकेका मणी ए ग्रेडमा थिए । उनलाई बुटवलले न्यूनतम १ लाख ५० हजारमा अनुबन्ध गर्न सफल भएको हो । मणकिा लागि बुटवल बाहेक अरु कुनै टिमले बोली लगाएनन् । उनले गत सिजनको सहिद स्मारक ए डिभिजन लिगमा विभागीय टोली एपीएफ क्लबका लागि खेलेका थिए र ३ गोल गरेका थिए।
मणीले राष्ट्रिय फुटबल टोलीलाई एक औपचारिक खेल खेलेका छन्। उनले काठमाडौंमा गत मार्चमा लाओस विरुद्ध खेल्दै डेब्यु गरेका थिए । त्यसपछि भने उनले राष्ट्रिय टोलीबाट कुनै औपचारिक खेल खेलेका छैनन् ।
युनिकोड
मिति रूपान्तरण
ग्लोबल आवाज
प्रतिक्रिया