बुटवल । लायन्स क्लब अफ बुटवल स्मार्टले जनज्योति आधारभूत विद्यालय ज्योतिनगर–३, बुटवलमा मोन्टेसरी सामग्री र कार्यालयको दराज वितरण तथा विभिन्न जातका फलफुलका बिरुवाहरु रोपेको छ ।

लायन्स क्लब अफ बुटवल स्मार्ट सिटीको २०२३/२४ बार्षिक कार्ययोजना अनुरुप शुक्रबार सो कार्यक्रम गरिएको हो । कार्यक्रम अध्यक्ष लायन सागर शर्माको अध्यक्षतामा र लायन जिल्ला ३२५ पि का प्रथम भिडीजी एमजेएफ पुरुषोत्तम प्रधानाङको प्रमुख आतिथ्यतामा सम्पन्न भएको हो।

कार्यक्रममा येरिया चिफ लायन विनोद सुवेदी, विद्यालय अध्यक्ष सरस्वती ठकुरी कुँवर, प्राध्यापक बिज्जु कार्की, जोन चियर्पर्सन लायन खेम थापालगायतको उपस्थिति रहेको थियो । कार्यक्रमको संचालन संस्थाका सचिव लायन केशव पोखरेलले गरेका थिए भने स्वागत मन्तव्य संस्थाका संस्थापक अध्यक्ष तथा कार्यक्रम संयोजक लायन सुरेन्द्रमान भारीले गरेका थिए ।