भैरहवा । बिद्यालयको शैक्षिक गुणस्तर सुधार गरि यसलाई राम्रो बनाउन सबै सरोकारवालाहरुको भूमिका आवश्यक रहेको एक कार्यक्रमका वक्ताहरुले जोड दिएका छन् । बिहिबार भानु माध्यमिक बिद्यालयलमा सम्पन्न भएको शैक्षिक गुणस्तर वृद्धि एवम असल बिद्यालय बनाउनका लागि सरोकारवालाको भूमिका सम्बन्धि अन्तरक्रिया एवम प्रशिक्षण कार्यक्रममा बोल्ने वक्ताहरुले उक्त कुरामा जोड दिएका हुन् ।

कार्यक्रमलाई सहजीकरण गर्दै शिक्षा विकास तथा समन्वय ईकाइ रुपन्देहीका प्रमुख दिपेन्द्र ढकालले शैक्षिक गुणस्तर सुधारको लागि शिक्षक, कर्मचारी, बिद्यालय ब्यवस्थापन समितिको प्रयासले मात्र सम्भव नहुने बताए । उनले समग्र बिद्यालयलाई राम्रो बनाउन यी सबैको अतिरिक्त अभिभावक, बिद्यार्थी, सल्लाहकार, जनप्रतिनिधिहरुको भुमिका पनि महत्वपूर्ण रहेको बताए । उनले असल बिद्यालय बनाउने बिभिन्न खाकाहरु सहितको प्रशिक्षण प्रदान गरेका थिए ।

बिद्यालय ब्यवस्थापन समिति अध्यक्ष फैज मोहम्मद खाँनको अध्यक्षता, शिक्षा विकास तथा समन्वय ईकाइ रुपन्देहीका प्रमुख दिपेन्द्र ढकालको प्रमुख आतिथ्यतामा सम्पन्न कार्यक्रममा भानु माध्यमिक बिद्यालयका प्रअ मोतीलाल सुवेदी, शिक्षक अभिभावक संघ, सल्लाहकार, प्रतिनिधिमूलक अभिभावक, सबै कक्षाकाभ मोनिटर बिद्यार्थीहरु, शिक्षक कर्मचारीहरुको सहभागीता रहेको थियो ।